રાજકોટની 7000 દીકરીઓએ સાયકલ રેલી યોજી બનાવ્યો રેકોર્ડ

રાજકોટમાં વડાપ્રધાન નરેન્દ્ર મોદીની મુલાકાતને લઈને તંત્ર દ્વારા તડામાર તૈયારીઓ શરૂ કરવામાં આવી છે,ત્યારે 7000 જેટલી દીકરીઓએ સાયકલ રેલી યોજીને નવો રેકોર્ડ સ્થાપિત કર્યો છે.

તારીખ 29મી એ વડાપ્રધાન નરેન્દ્ર મોદી રાજકોટ આવી રહ્યા છે,ત્યારે રાજકોટ મનપા , ભાજપ મહિલા મોરચો અને સ્વનિર્ભર શાળાઓના સંયુક્ત ઉપક્રમે બેટી બચાઓ , બેટી પઢાઓ અને સશક્ત ભારત બનાવાના નેજા હેઠળ 7000 જેટલી યુવતીઓએ સાયકલ રેલી યોજી હતી.

મુખ્યમંત્રી વિજયભાઈ રૂપાણીના ધર્મપત્ની અંજલિબેન રૂપાણી, ધારાસભ્ય ભાનુબેન બાબરિયા , તેમજ મનપાના પદાધિકારીઓ દ્વારા આ રેલીને ફ્લેગ ઓફ કરવામાં આવ્યુ હતુ. શહેરનાં બહુમાળી ભવન ચોક ખાતે ફ્લેગ ઓફ થયા બાદ અંદાજીત ૫ કિલોમીટરની સાયકલ રેલી યોજવામાં આવી હતી.

આ સાયકલ રેલીને લિમ્કા બુકે ઓફ રેકોર્ડમાં નોંધાવામાં આવશે તેમ જાણવા મળ્યુ છે.