Top
Connect Gujarat

નવી કાર પર 'FASTag' લાગવવુ ફરજિયાત બનશે 

નવી કાર પર FASTag લાગવવુ ફરજિયાત બનશે 
X

રોડ ટ્રાન્સપોર્ટ એન્ડ હાઇવે મંત્રાલયે આગામી પહેલી ડિસેમ્બરથી નવી વેચાયેલી કારમાં 'ફાસ્ટેગ' નામનું સાધન ફિટ કરવાનું ફરજિયાત કર્યું છે. સેન્ટ્રલ મોટર વ્હિકલ રૃલ્સ 1989માં સુધારો કરીને બનાવાયેલ આ નિયમમાં જણાવવામાં આવ્યુ છે કે જો ઉત્પાદક વિન્ડશિલ્ડ વિના જ વાહન વેચે તો ખરીદનારે તેનું રજિસ્ટ્રેશન કરતા પહેલા આ સાધન ફિટ કરાવવાનું રહેશે.

ફાસ્ટેગ (FASTag)એ રેડિયો ફ્રિકવન્સી ટેકનોલોજી પર આધારિત છે તે ટોલ ટેક્સ ચૂકવવા માટેનું ઝડપી સાધન છે. ટોલ પ્લાઝામાં પસાર થતા વાહનો રોક્યા વિના જ આ સાધન દ્વારા ટોલટેક્સ ચૂકવાઇ જાય છે. કાર ટોલ પ્લઝા માંથી પસાર થાય ત્યારે વિન્ડશીલ્ડ પર લગાવેલા ફાસ્ટેગની ઓટોમેટિક ચકાસણી થઇ જાય છે અને બેન્ક એકાઉન્ટ માંથી પૈસા કપાઇ જાય છે. આ સાધન ઝડપી ટોલટેક્સ પેમેન્ટ કરવાનું ઉપયોગી છે. કાર ચાલકે રોકડા નાણા રાખવા નહીં પડે કે કાર પણ થોભાવવી નહીં પડે. ફાસ્ટટેગ ક્રેડિટકાર્ડ, ડેબિટકાર્ડ વિગેરે માંથી રિચાર્જ થઇ શકે છે.

આ નિયમથી કાર ઉત્પાદકોને વધુ ફરક નહીં પડે નવી લગભગ તમામ કારમાં આરએફ આઇડી હોય છે. ફાસ્ટેગને તેની સાથે લિન્ક કરવું પડશે. જૂના વાહનો ધરાવતા લોકોના આ સાધન ખરીદવું ફરજિયાત નથી પરંતુ તેઓ સમય બચાવવા ઇચ્છતા હોય તો ખરીદી શકે છે. ટોલ પ્લાઝામાં ટોલની ચૂકવણી એકદમ સરળ બનાવતા આ સાધનથી વડાપ્રધાન મોદીની ડિજીટલ ઇન્ડિયાને વધુ વેગ મળ્યો છે. ટોલ પ્લાઝા પર થતી વાહનોની ભીડ અને ટ્રાફિક સમસ્યાનો ઉકેલ પણ આવશે.

Next Story
Share it