જાણો ગુજરાતની કઈ પોલીસ કેન્ટીનમાં શરૂ થયું e-payment

વડોદરા શહેરના પ્રતાપનગર પોલીસ મથકમા આવેલ ગુજરાત પોલીસ કેન્ટીનમા હવેથી e-payment ની સુવિધા શરૂ કરવામાં આવેલ છે.

તાજેતરમા ગુજરાત રાજ્યના ડીજીપીશ્રી પી પી પાંડેની વડોદરાની મુલાકાત વખતે તેઓએ વેલ્ફેર પ્રવૃત્તિઓના તમામ નાણાકીય વ્યવહારો કેશલેસ કરવા જણાવ્યું હતું.

વડોદરા શહેરના પોલીસ કમિશનર મનોજ શશિધરની સૂચના મુજબ વડોદરા શહેરના નાયબ પોલીસ કમિશનર એન.એન.ચૌધરીના માર્ગદર્શન મુજબ પોલીસ હેડ ક્વાર્ટર RPI જે.એ.પઠાણ દ્વારા પોલીસ હેડ ક્વાર્ટર ખાતે પોલીસ વેલ્ફેર સંચાલિત ગુજરાત પોલીસ કેન્ટીનમાં એસબીઆઈનું PoS ટર્મિનલ શરૂ કરવામાં આવેલ છે, જેમાં તમામ બેંકોના ડેબિટ કે ક્રેડિટ કાર્ડને સ્વાઈપ કરી બિલની ચુકવણી કરી શકાશે.

આ પોલીસ કેન્ટીનનો લાભ વડોદરા શહેરના પોલીસ પરિવારો ઉપરાંત, નિવૃત્ત પોલીસ કર્મચારીઓ અને તેમના આશ્રિત પેંશનર્સ, રાજ્ય અને કેન્દ્રના અર્ધલશ્કરી દળોના જવાનો પણ લઇ રહ્યા છે. જેમાં હિન્દુસ્તાન યુનિલિવર, ગોદરેજ, જ્હોન્શન એન્ડ જ્હોન્શન જેવી નામાંકિત કંપનીઓની બ્રાન્ડેડ ચીજ વસ્તુઓનું બજાર ભાવ થી 15%થી 40% જેટલા નીચા દરે વેચાણ થાય છે.