‘કોરોનાથી બચાવવા માટે 2 પરીઓ આવી છે'; અફવા ફેલાતાંની સાથે જ સેંકડો લોકો દોડી આવ્યા

દેશ અને વિદેશમાં ફેલાયેલા કોરોના વાયરસથી છૂટકારો મેળવવા માટે હજી સુધી કોઈ અસરકારક દવા મળી નથી. નિષ્ણાતો આને રોકવા માટે રસી લેવાની અપીલ કરી રહ્યા છે. સાથે જ ફેસ માસ્ક અને સામાજિક અંતર માટે પણ જણાવવામાં આવી રહ્યું છે. તેમ છતાં સમાજમાં કેટલીક અફવાઓ ફેલાતી રહે છે અને લોકો અંધશ્રદ્ધાને કારણે તેમનો વિશ્વાસ કરે છે.

આવું જ કઈ મધ્યપ્રદેશના રાજગઢમાં પણ જોવા મળ્યું હતું. એક અફવા એવી હતી કે પૃથ્વીને કોરોના વાયરસથી બચાવવા માટે બે પરીઓ આવી છે. આ પછી શું હતું, સેંકડો લોકો કોરોના નિયમોનું ઉલ્લંઘન કરીને ત્યાં પહોંચી મોટી સંખ્યામાં એકત્ર થયા હતા.

આ અફવા મધ્યપ્રદેશના રાજગઢના ચાટૂખેડા ગામમાં ફેલાઈ હતી. ત્યાં લોકોને કહેવામાં આવ્યું કે બે મહિલાઓની અંદર દેવપરીઓ આવી છે. આ પરીઓના હાથથી જેણે પોતાને ઉપર પાણી છટાડયું હશે તેને કોરોના નહીં હોય. આ અફવા ફેલાતાંની સાથે જ લોકોએ ઘર છોડવાનું શરૂ કર્યું.

અફવાને કારણે લોકો આ 'પરીઓ' જોવા માટે મંદિરની બહાર એકત્ર થવા લાગ્યા. તેમની સંખ્યા સેંકડોમાં હતી. આ અંધશ્રદ્ધાને લીધે કોઈ પણ કોરોના નિયમનું પાલન કરતા નહોતા. ન તો તેમના ચહેરા પર માસ્ક હતા અથવા ન તો તેમને સામાજિક અંતર જણાવ્યુ હતું.

જો કે આ બનાવની માહિતી મળ્યા બાદ પોલીસ પણ ઘટના સ્થળે પહોંચી ગઈ હતી. પોલીસે લોકોને ત્યાંથી હટાવ્યા અને બંને મહિલાઓ વિરુદ્ધ એફઆઈઆર નોંધી.