સુરત: બાંગ્લાદેશ હિંસાની અસર સુરત ટેક્સટાઈલ માર્કેટ પર વર્તાઈ,વેપારીઓના કરોડો રૂપિયા ફસાયા

બાંગ્લાદેશ હિંસાની અસર સુરત ટેક્સટાઇલ માર્કેટ પર વર્તાઈ 

સુરતના વેપારીઓના કરોડો રૂપિયા ફસાયા 

વેપારીઓ દ્વારા સરકાર પાસે મદદની માંગ કરાઈ

બાંગ્લાદેશમાં સર્જાયેલી વિદ્રોહની પરિસ્થિતિની ગંભીર અસર સુરત ટેક્સટાઇલ માર્કેટ પર પડી છે, સુરત માંથી સપ્લાય થતા RDF ગ્રે કાપડ,ડાઇંગ પ્રિન્ટિંગ ફેબ્રિક, સ્ટીચ ગારમેન્ટ સહિતના મટીરીયલના એક્સપોર્ટ પર બ્રેક લાગી છે,અને વેપારીઓને મોટુ આર્થિક નુકસાન સહન કરવાનો વારો આવ્યો છે.

 બાંગ્લાદેશની હિંસાએ સુરતના ટેક્સટાઈલ માર્કેટની કમર તોડી નાખી છે.સુરત માંથી બાંગ્લાદેશમાં RDF ગ્રે કાપડ,ડાઇંગ પ્રિન્ટિંગ ફેબ્રિક,સ્ટીચ ગારમેન્ટનું મોટા પાયે એક્સપોર્ટ કરવામાં આવે છે. બાંગ્લાદેશ સાથે સુરત ટેક્સટાઇલ માર્કેટનો વર્ષનો 500 કરોડનો વેપાર

છે,સુરતમાં ઉત્પાદન થતા ટેક્સટાઇલ પ્રોડક્ટનો મોટા પ્રમાણમાં બાંગ્લાદેશ એક્સપોર્ટ કરવામાં આવે છે, અને બંગાળની નજીક બાંગ્લાદેશ હોવાથી દુર્ગા પૂજાને લઇ થતા વેપાર પર પણ બાંગ્લાદેશ હિંસાની અસર પડી છે. વેપારીઓને સર્જાયેલી આર્થિક નુકસાની મામલે  વેપારીઓ દ્વારા સરકાર પાસે મદદ માંગવામાં આવી છે.