અંકલેશ્વર ગ્રામ્ય પોલીસે નેશનલ હાઇવે નંબર 48 પરથી ટ્રકમાં ગેરકાયદેસર રીતે ભેંસ ભરી લઈ જતા બે ઇસમોની અટકાયત કરી 17 ભેંસ મુક્ત કરાવી હતી અંકલેશ્વર તાલુકાના જીતાલી ગામ ખાતે રહેતા સચિન ઉપાધ્યાયને માહિતી મળી હતી કે કેટલાક શખ્સો ટ્રકમાં ગેરકાયદેસર રીતે પશુઓની હેરાફેરી કરી રહ્યા છે.
આ અંગેની જાણ તેઓએ અંકલેશ્વર ગ્રામ્ય પોલીસને કરી હતી જેના પગલે ગ્રામ્ય પોલીસે નેશનલ હાઇવે નંબર 48 પર નવજીવન હોટલ નજીક વોચ ગોઠવી હતી. આ દરમિયાન બાતમી વાળી ટ્રક આવતા તેને અટકાવી તપાસ કરતા અંદરથી કુર્તાપૂર્વક બાંધેલ હાલતમાં ભેંસો મળી આવી હતી. પાસે પશુઓની હેરાફેરી અંગેના આધાર પુરાવાપોલીસે ટ્રકમાં રહેલ શખ્સો માંગ્યા હતા પરંતુ તેઓએ રજૂ કર્યા ન હતા.
આ મામલામાં પોલીસે 17 ભેંસ મુક્ત કરાવી એઝાજ હુસૈન યાકુબ ધારીયા રહે. કહાન ગામ ,ભરૂચ અને સકીલ યાકુબ ભગત રહે.વલણ ગામ વડોદરાની ધરપકડ કરી હતી.પોલીસે આ મામલામાં એક આરોપીને વોન્ટેડ પણ જાહેર કર્યો છે.
