KKR vs RR : યુઝવેન્દ્ર ચહલ અને યશસ્વી જયસ્વાલે રચ્યો ઈતિહાસ, રાજસ્થાને KKR ને 9 વિકેટે હરાવ્યું..!

કોલકાતાના ઈડન ગાર્ડન્સ સ્ટેડિયમ ખાતે રાજસ્થાનના લેગ-સ્પિનર યુઝવેન્દ્ર ચહલે કોલકાતા નાઈટ રાઈડર્સના બેટ્સમેન પર અને યશસ્વી જયસ્વાલ બોલરો પર કહર બનીને તૂટી પડ્યા હતા. પરિણામ એ આવ્યું કે રાજસ્થાને KKRને 9 વિકેટે હરાવ્યું. પ્રથમ બેટિંગ કરતા કોલકાતાએ 20 ઓવરમાં 8 વિકેટે 149 રન બનાવ્યા હતા, જે રાજસ્થાને 13.1 ઓવરમાં માત્ર 1 વિકેટ ગુમાવીને હાંસલ કરી લીધા હતા.

ટોસ જીત્યા બાદ રાજસ્થાને પ્રથમ બોલિંગ કરવાનો નિર્ણય કર્યો હતો. KKR માટે ખરાબ શરૂઆત. ટીમને KKRને પહેલો ફટકો 14ના સ્કોર પર લાગ્યો હતો. જેસન રોય 10 રન બનાવીને આઉટ થયો હતો. બીજી વિકેટ 29ના સ્કોર પર પડી. રહેમાનુલ્લા ગુરબાઝ 18 રન બનાવી બોલ્ટનો શિકાર બન્યો હતો. વેંકટેશે એક છેડો પકડી રાખ્યો અને 39 બોલમાં તેની અડધી સદી પૂરી કરી. તે પણ 57 રન બનાવીને આઉટ થયો હતો. નીતિશ રાણાએ 22 રનની ઇનિંગ રમી હતી. રિંકુ સિંહે 16 રનનું યોગદાન આપ્યું હતું. યુઝવેન્દ્ર ચહરની ઘાતક બોલિંગ સામે કોલકાતાએ વિકેટ પડતાં 149 રનનો સ્કોર બનાવ્યો હતો.

જવાબમાં રાજસ્થાને જોરદાર શરૂઆત કરી હતી. નીતિશ રાણાની પ્રથમ ઓવરમાં યશસ્વી જયસ્વાલે 26 રન લીધા હતા. આ ઓવરમાં 3 ચોગ્ગા અને 2 છગ્ગા ફટકાર્યા. જોકે, બટલર કમનસીબ હતો અને શૂન્ય પર રનઆઉટ થયો હતો. બટલરના આઉટ થયા બાદ જયસ્વાલ અને સંજુ સેમસન પર કોઈ દબાણ નહોતું. જયસ્વાલે તોફાની રમતા 13 બોલમાં IPL ઈતિહાસની સૌથી ઝડપી અડધી સદી પૂરી કરી હતી. સંજુએ જયસ્વાલને પૂરો સાથ આપ્યો. બંનેએ મળીને રાજસ્થાનને 9 વિકેટે જીત અપાવી હતી. જયસ્વાલે 47 બોલમાં 13 ચોગ્ગા અને 5 છગ્ગાની મદદથી અણનમ 98 રન બનાવ્યા હતા. તે સમયે, સેમસન 29 બોલમાં 2 ચોગ્ગા અને 5 છગ્ગાની મદદથી 48 રન બનાવીને અણનમ રહ્યો હતો.