દિવાળી આવે એટલે ગુજરાતીઓ અલગ અલગ ફરવા દિવાળીના વેકેશનમાં મોટાભાગના ગુજરાતીઓ ફરવા જવાનું પસંદ કરે છે. આવામાં દિવાળીના વેકેશનમાં બંધ ઘરના તાળા તોડવાની ઘટનાઓ વધી જાય છે. પરિવારો આવીને જુએ તો ઘરના તાળા તૂટેલા હોય અને ઘરનો સામાન-દાગીનાની ચોરી થતી હોય છે. આવામાં દિવાળીમાં ચોરીની ઘટનાઓ અટકાવવા માટે અમદાવાદ પોલીસે માસ્ટર પ્લાન બનાવ્યો છે. 

દિવાળીના પર્વમાં ચોરીના બનાવો અટકાવવા માટે પોલીસ દ્વારા ખાસ અમદાવાદ ગ્રામ્યના આવતા વિસ્તારો કે જે સ્થળે CCTV ઓછા હોય, અવાવરૂ જગ્યાઓ હોય, ચોરી કે લૂંટનો ડર વધુ હોય તેવા સ્થાનો પર પોલીસ વધુ સતર્ક રહેશે. જે માટે પોલીસ દ્વારા સોસાયટી ચેરમેન, આંગળિયા પેઢીના માલિકો, જ્વેલર્સ અને સિક્યુરિટી એજન્સીને મળી સાથે મિટિંગ કરી ચોરીના બનાવો ન બને તે માટે દિવાળી દરમિયાન સાવચેતી રાખવા બાબતે સૂચનો આપવામાં આવ્યા છે. જ્યાં CCTV ઓછા હોય, લોકોની અવર-જવર ઓછી હોય, ત્યાં રાઉન્ડ ધ ક્લોક પેટ્રોલિંગ કરવામાં આવશે. પોલીસ સાદા કપડા પહેરીને પેટ્રોલિંગ કરશે, જેથી વધુ નજર રાખી શકાય. આ સાથે જ શો-રૂમની આસપાસ ફરતા શંકાસ્પદ વ્યક્તિની પુછપરછ કરવામાં આવશે.