અમદાવાદ : 2 અકસ્માતમાં થયા 3નાં મોત, ઓઢવ રિંગ રોડ પર હિટ એન્ડ રનમાં 2નાં ઘટનાસ્થળે મોત, શાહપુરમાં AMTS બસે વૃદ્ધને કચડતા મોત

અમદાવાદ શહેરમાં ફરી એક વખત એએમટીએસ બસની અડફેટે માસુમ વ્યક્તિનું મોત થયું હોવાનું સામે આવ્યું છે. 74 વર્ષના વૃદ્ધ શાહપુર પાસેથી પસાર થઈ રહ્યા હતા તે સમયે એએમટીએસની અડફેટે એવો ફંગોળાયા હતા, જેમાં બસનું ટાયર તેમાં પર ફરી વળ્યું હતું. આ બનાવવામાં તેમનું મોત નિપજ્યું હતું. તો ઓઢવ રિંગ રોડ પર હિટ એન્ડ રનના બનાવમાં બે લોકોને ઘટનાસ્થળે મોત થયા હતા. આ એક જ દિવસમાં અકસ્માતના 2 બનાવમાં 3 લોકોના મોત થયા છે.

ઓઢવ રિંગરોડ પર પામ હોટેલ સામે હિટ એન્ડ રનનો બનાવ બન્યો હતો. કલોલ મોટી ભોયણ અને હાજીપુરના વયોવૃદ્ધ પુરુષ અને વૃધ્ધાને ટ્રકે અડફેટે લેતા ઘટના સ્થળે જ મોત નીપજ્યા હતા. ગુરુ પુનમ ભરીને હાથીજણ લાલગેબી આશ્રમથી પરત મોટી ભોયણ જતા રસ્તામાં કાળનો ભેટો થયો હતો. મોટી ભોયણના દલાજી ઠાકોર (ઉ.વ.66) અને હાજીપુરના મગુંબેન (ઉ.વ.66)નું ઘટનાસ્થળે જ મોત નિપજ્યું હતું. ટ્રાફિક પોલીસ અને ઓઢવ પોલીસ અકસ્માતની ઘટના બાદ દોડી ગયા હતા. જ્યારે અકસ્માત સર્જનાર વાહનચાલક ફરાર થઈ ગયો હતો.