અમદાવાદ : ભાઈ-બહેનના પવિત્ર બંધનને શર્મસાર કરતો કિસ્સો, પિતરાઇ ભાઇએ બહેન પર દુષ્કર્મ ગુજારતા નોંધાઈ પોલીસ ફરિયાદ...

અમદાવાદ શહેરના વેજલપુર વિસ્તારમાં 16 વર્ષીય કિશોરી પર દુષ્કર્મ થતા પોલીસ ફરિયાદ નોંધાઇ છે. જેમાં આરોપી અન્ય કોઈ નહીં, પરંતુ સગીરાનો પિતરાઈ ભાઈ હોવાનું ખુલ્યું છે. આ ઘટના સંદર્ભે વેજલપુર પોલીસે યુવક સામે ગુનો નોંધી તેની ધરપકડની પ્રક્રિયા તેજ કરી છે.

મળતી માહિતી અનુસાર, અમદાવાદના વેજલપુર વિસ્તારમાં રહેતા 58 વર્ષીય મહિલાએ ફરિયાદ નોંધાવી છે. જેમાં તેઓ પોતાના દીકરા સાથે રહે છે અને પરિવારનું ગુજરાન ચલાવે છે. તેમની 16 વર્ષની દીકરી સાથે દુષ્કર્મની ઘટના બનતા મામલો પોલીસ મથકે પહોંચ્યો છે. જેમાં 16 સપ્ટેમ્બર 2022ના સાંજના સમયે ફરિયાદી ઘરે હાજર હતા, તે સમયે તેમની ભાણીએ ફોન કરી પોતે આનંદનગર પોલીસ સ્ટેશન ખાતે મારા પિતા સાથે આવી છે, અને તમારા ઘરે આવવું છે. પિતાજી સાથે રહેવું નથી તેવી વાત કરતા ફરિયાદ દિકરા સાથે આનંદનગર પોલીસ સ્ટેશન ગયા હતા, અને કિશોરીને ઘરે લાવી અચાનક પોલીસ સ્ટેશન કેમ જવું પડ્યું તે અંગે પૂછપરછ કરી હતી. સગીરાએ નાનીને જણાવ્યું હતું કે, મોટા બાપાનો દીકરો ઘણા સમયથી તેની પર નજર બગાડે છે, અને ફેબ્રુઆરી મહિનામાં સગીરા ઘરે એકલી હતી, ત્યારે પિતરાઈ ભાઈ ઘરે આવ્યો હતો અને પકડી રાખી જબરદસ્તી કરી યુવતી સાથે શારીરિક છેડતી કરી આ વાત કોઈને કરીશ તો જાનથી મારી નાખીશ, તેવી ધમકી આપી હતી. જેના કારણે સગીરા ડરી જતા તેણે આ બાબતની જાણ કોઈને કરી ન હતી. જે બાદ માર્ચ મહિનામાં બપોરના સમયે ફરીથી યુવતી ઘરે એકલી હતી, તે દરમિયાન પિતરાઈ ભાઈ ત્યાં આવ્યો હતો, અને ઘરનો દરવાજો બંધ કરી જબરદસ્તી યુવતી પર દુષ્કર્મ ગુજાર્યું હતું. આરોપીએ આ બાબતે કોઈને કહીશ તો તને તથા તારી બહેન અને તારા દાદીને જાનથી મારી નાખીશ તે પ્રકારની ધમકી આપી જતો રહ્યો હતો, જેથી સગીરા ગભરાઈ ગઈ હતી. જે ઘટનાને એક મહિના બાદ એપ્રિલ મહિનામાં ફરીવાર પિતરાઈ ભાઈ સગીરાના ઘરે પહોંચ્યો હતો, અને તેની પર દુષ્કર્મ ગુજાર્યું હતું. અને બાદમાં ઓગષ્ટ મહિનામાં દુષ્કર્મ ગુજાર્યું હતું, એમ અલગ અલગ 3 વાર 16 વર્ષીય કિશોરી પર દુષ્કર્મ ગુજારવામાં આવતા અંતે પિતરાઈ ભાઈના ત્રાસ અને ડરથી કંટાળી તે આનંદનગર પોલીસ મથકે પહોંચી હતી. આ ઘટના સંદર્ભે વેજલપુર પોલીસ સ્ટેશનમાં યુવક સામે ગુનો નોંધાતા પોલીસે તપાસ શરૂ કરી આરોપીની ધરપકડ કરવાની તજવીજ તેજ કરી છે.