અમદાવાદ : CANSAT સ્ટુડન્ટ ઈન્ડિયા સ્પર્ધા પુરસ્કાર વિતરણ અને ASI મેડલ એવોર્ડનો કાર્યક્રમ યોજાયો
અમદાવાદના ઓગણજ ખાતે ઇનામ તેમજ એવોર્ડ વિતરણ સમારોહનું આયોજન કરવામાં આવ્યું
ઓગણજ ખાતે એવોર્ડ અને પુરસ્કાર વિતરણ કાર્યક્રમ યોજાયો
અવકાશ રસિકોની આગામી પેઢીને પ્રેરણા મળશે
સ્પેસ સાયન્સ એન્ડ ટેક્નોલોજીમાં નવીનતાને પ્રોત્સાહન મળશે
સ્પર્ધામાં અનેક વિદ્યાર્થીઓએ કુશળતા બતાવી
અમદાવાદ ઇસરોનાં 3 કર્મચારીઓ ગોલ્ડ મેડલથી સન્માનીત
અમદાવાદ ઇસરોના 3 કર્મચારીઓને ASI સ્પેશ ગોલ્ડ મેડલથી સન્માનિત કરાયા એસ્ટ્રોનોટિકલ સોસાયટી ઓફ ઈન્ડિયા (ASI)ના સહયોગથી ઈન્ડિયન નેશનલ સ્પેસ પ્રમોશન એન્ડ ઓથોરાઈઝેશન સેન્ટર (IN-SPACE) એ આગામી IN-SPACE CANSAT વિદ્યાર્થી સ્પર્ધાની જાહેરાત કરી છે.
અવકાશ રસિકોની આગામી પેઢીને પ્રેરણા આપવા અને સ્પેસ સાયન્સ એન્ડ ટેક્નોલોજીમાં નવીનતાને પ્રોત્સાહન આપવાનો હેતુ ધરાવતી આ સ્પર્ધા અમદાવાદ ખાતે 15 થી 17 એપ્રિલ દરમિયાન યોજાય હતી. જે અંતર્ગત આજરોજ અમદાવાદના ઓગણજ ખાતે ઇનામ તેમજ એવોર્ડ વિતરણ સમારોહનું આયોજન કરવામાં આવ્યું હતું .
સ્પર્ધામાં ઉત્કૃષ્ટ પ્રોજેકટ રજૂ કરનાર વિદ્યાર્થીઓને ઇનામ આપી પ્રોત્સાહિત કરવામાં આવ્યા હતા. તો આ સાથે જ અમદાવાદ ઈસરોના મદનસિંગ ચૌહાણ, મનોજ કુમાર દેત્રોજા અને મેઘલ દેસાઇને એ.એસ.આઈ. સ્પેસ ગોલ્ડ મેડલ એનાયત કરવામાં આવ્યો હતો જે બદલ તેઓને શુભકામના પાઠવવામાં આવી છે.