અમદાવાદ : મારી જાત પર જઇશ તો બધી ખબર પડી જશે, જુઓ AMCના અધિકારીની વાયરલ ઓડીયો કલીપ

અમદાવાદ મહાનગરપાલિકાના સોલીડ વેસ્ટ મેનેજમેન્ટ વિભાગના ડીરેકટર અને આકાશ સરકાર વચ્ચે ફોન પર થયેલી બોલાચાલીની ઓડીયો કલીપ હાલ વાયરલ થઇ રહી છે........

અમદાવાદ મહાનગરપાલિકામાં સોલિડ વેસ્ટ મેનેજમેન્ટ વિભાગના ડિરેક્ટર હર્ષદરાય સોલંકીનો એક ઓડિયો વાયરલ થયો છે.જેમાં મ્યુનિસિપલ અધિકારીએ ફરિયાદીને ફોન પર ધમકી આપી હોવાનો ઓડિયો ફરતો થયો છે. ફરિયાદી આકાશ સરકારે દાણીલીમડામાં ડ્રેનેજ લાઇનમાં મ્યુનિસીપલ કોર્પોરેશને ઔદ્યોગિક એકમોના કચરા નિકાલની લાઇનો જોડી દેતા કેમિકલયુક્ત પાણી ગટરમાંથી બેક મારતા રોગચાળો ફેલાવાની દહેશત વ્યક્ત કરી સોલિડ વેસ્ટ મેનેજમેન્ટના ડિરેક્ટર હર્ષદરાય સોલંકીને તેનો નિકાલ લાવવા ફોન કર્યો હતો. ત્યારે ફરિયાદી અને અધિકારી વચ્ચે ફોન પરજ શાબ્દિક બહસ થાય છે ત્યારે અધિકારીએ ‘હું હર્ષદ સોલંકી છું, મારી જાત પર જઈશ તો બધી ખબર પડી જશે’ તેવી ધમકી આપતાં ફરિયાદી આકાશ સરકારે કહ્યું કે, ગેરબંધારણીય શબ્દોનો ઉપયોગ કરનાર આ અધિકારીને તાત્કાલિક સસ્પેન્ડ નહિ કરાય તો સોમવારથી આમરણ ઉપવાસ કરશે. બીજી તરફ હર્ષદરાય સોલંકીએ કહ્યું કે, અમે બંને એક જ નાતના છીએ. મારે આ બાબતે ટિપ્પણી કરવી નથી.