પુષ્પા ફિલ્મ બનાવનાર પ્રોડક્શન હાઉસ મૈત્રી મુવી મેકર્સમાં ઇન્કમ ટેક્સના દરોડા

અલ્લૂ અર્જુન અને રશ્મિકા મંદાનાની બ્લોકબસ્ટર ફિલ્મ પુષ્પાએ બૉક્સ ઑફિસ પર તાબડતોડ કમાણી કરી હતી. આ ફિલ્મના હિન્દી વર્ઝને પણ થિયેટરોમાં ધમાલ મચાવી હતી. દમદાર કમાણી બાદ હવે ફિલ્મને બનાવનારું પ્રોડક્શન હાઉસ મૈત્રી મૂવી મેકર્સ સામે ઈન્કમ ટેક્સ વિભાગે દરોડા પાડ્યા છે. આવક વેરા વિભાગને આશંકા છે કે આ પ્રોડક્શન હાઉસમાં એનઆરઆઈએ પણ પૈસા લગાવ્યાં છે.

આવકવેરા વિભાગે કંપનીના માલિકો નવીન અર્નેની, યલમંચિલી રવિશંકર અને યેરૂકુરી મોહનના આશરે 15 ઠેકાણા પર દરોડા પાડ્યા છે. આ ત્રણેય રહેઠાણો પર પણ દરોડા પાડ્યા છે. રિપોર્ટ્સમાં કહેવામાં આવ્યું છે કે આવકવેરા વિભાગના કર્મચારી અલગ-અલગ રાજ્યોમાંથી હૈદ્રાબાદ પહોંચ્યા અને સોમવારે કંપનીની ઓફિસ, માલિકોના રહેઠાણ અને અન્ય ઠેકાણા પર દરોડા પાડ્યા.

મહત્વનું છે કે, મૈત્રી મૂવી મેકર્સે અનેક બ્લોકબસ્ટર ફિલ્મોનુ નિર્માણ પોતાના પ્રોડક્શન હાઉસના બેનર હેઠળ કર્યુ છે. જેમાં સૌથી તાજુ માપ અલ્લૂ અર્જુનની પુષ્પાનુ છે. આ ફિલ્મના માત્ર હિન્દી વર્ઝને જ 106 કરોડ રૂપિયાથી પણ વધુનો બિઝનેસ કર્યો હતો. આ ઉપરાંત તેમની કુલ કમાણી 350 કરોડ રૂપિયાથી પણ વધુ રહી હતી.