IPL: હૈદરાબાદે દિલ્હી કેપિટલ્સને હરાવ્યું, SRHએ સતત ચોથી જીત હાંસલ કરી

સનરાઈઝર્સ હૈદરાબાદે ઈન્ડિયન પ્રીમિયર લીગ (IPL)ની વર્તમાન સિઝનમાં સતત ચોથી જીત હાંસલ કરી છે. શનિવારે ટીમે 35મી લીગ મેચમાં દિલ્હી કેપિટલ્સને 67 રનથી હરાવ્યું હતું. આ જીત સાથે સનરાઈઝર્સ પોઈન્ટ ટેબલમાં બીજા સ્થાને આવી ગઈ છે.અરુણ જેટલી સ્ટેડિયમમાં દિલ્હીએ ટૉસ જીતીને પ્રથમ બોલિંગ કરવાનું પસંદ કર્યું હતું. હૈદરાબાદે 20 ઓવરમાં 7 વિકેટ ગુમાવીને 266 રન બનાવ્યા હતા. ટીમે સિઝનમાં ત્રીજી વખત 250થી વધુ રન બનાવ્યા. જવાબમાં દિલ્હીની ટીમ 19.1 ઓવરમાં 199 રનમાં ઓલઆઉટ થઈ ગઈ હતી.SRH ઓપનર ટ્રેવિસ હેડે 32 બોલમાં 89 રન બનાવ્યા હતા, જ્યારે અભિષેક શર્માએ 12 બોલમાં 46 રન બનાવ્યા હતા. શાહબાઝ અહેમદે અણનમ 59 અને નીતિશ કુમાર રેડ્ડીએ 37 રન બનાવ્યા હતા. દિલ્હી તરફથી કુલદીપ યાદવે 4 વિકેટ ઝડપી હતી. અક્ષર પટેલને પણ સફળતા મળી.રન ચેઝમાં દિલ્હી તરફથી જેક ફ્રેઝર-મેગર્કે 18 બોલમાં 65 રન બનાવ્યા હતા, જ્યારે કેપ્ટન રિષભ પંતે 44 રન અને અભિષેક પોરેલે 22 બોલમાં 42 રનનું યોગદાન આપ્યું હતું. SRHના ટી નટરાજને 4 વિકેટ લીધી હતી. નીતિશ રેડ્ડી અને મયંક માર્કંડેને 2 વિકેટ મળી હતી.