ટાટા ગ્રૂપ દેશભરમાં 100 Apple સ્ટોર્સ ખોલશે, જેમાં iPhone થી iPad સુધીની દરેક વસ્તુનું વેચાણ થશે..!

ટાટા ગ્રુપ ટૂંક સમયમાં દેશભરમાં લગભગ 100 નાના એપલ સ્ટોર ખોલવાની તૈયારી કરી રહ્યું છે. આઈફોન અને આઈપેડ જેવી લોકપ્રિય એપલ પ્રોડક્ટ્સ આ સ્ટોર્સમાં વેચવામાં આવશે. ઇકોનોમિક ટાઇમ્સ (ET)ના એક અહેવાલમાં જણાવાયું છે કે એપલ ટાટાની માલિકીની ઇન્ફિનિટી રિટેલ સાથે સ્ટોર્સ માટે વાટાઘાટ કરી રહી છે. ઈન્ફિનિટી રિટેલ ભારતમાં ક્રોમા સ્ટોર્સ ચલાવે છે. જણાવી દઈએ કે આ પહેલા ટાટા ગ્રુપ દ્વારા આઈફોન બનાવવાનો મામલો સામે આવ્યો હતો, જેના માટે ટાટા અને વિસ્ટ્રોન કોર્પોરેશન વચ્ચે વાતચીત પણ થઈ હતી.

રિપોર્ટમાં દાવો કરવામાં આવ્યો છે કે એપલ સ્ટોર્સ મોલ્સ તેમજ હાઈ-સ્ટ્રીટ અને પડોશના સ્થળોએ ખોલવામાં આવશે અને તે Appleના પ્રીમિયમ રિસેલર સ્ટોર્સ કરતા નાના હશે. સામાન્ય રીતે પ્રીમિયમ રિસેલર સ્ટોર્સ 1,000 ચોરસ ફૂટમાં ફેલાયેલા હોય છે, પરંતુ આ ટાટા સ્ટોર્સ સમગ્ર દેશમાં 500-600 ચોરસ ફૂટમાં બનાવવામાં આવશે. નાના સ્ટોર્સ iPhones, iPads અને Apple ઘડિયાળોનું વેચાણ કરશે.