અંકલેશ્વર GIDCમાં આંગડિયાનાં સંચાલકની કાર માંથી રુપિયા ૧૨ લાખ ઉપરાંતની બેગની ચોરી
અંકલેશ્વર જીઆઇડીસી નોટી ફાઇડ ઓફિસ નજીક આગંડિયા પેઢીનાં વેપારીની નજર ચૂકવીને બે બાઇક પર આવેલા શખ્સોએ ચોરીને અંજામ આપ્યો હતો, તેઓની કારમાંથી રૂપિયા ૧૨ લાખ ઉપરાંતની રોકડ ભરેલ બેગની ઉઠાંતરી કરીને ત્રણ ભેજાબાજો ફરાર થઇ જતા ચકચાર મચી ગઈ હતી.
બનાવ અંગેની જાણ કિશોરસિંહે જીઆઇડીસી પોલીસને કરતા પોલીસ કાફલો ઘટના સ્થળ પર દોડી આવ્યો હતો. અને તપાસનાં ચક્રો ગતિમાન કર્યા હતા, વધુમાં ભોગ બનનાર કિશોરસિંહનું નિવેદન નોંધીને આરોપીઓનું વર્ણન જાણવાનાં પ્રયત્નો પણ પોલીસે શરુ કર્યા હતા.