અમરેલીમાં જંગલી પ્રાણીઓથી લોકોમાં ફફડાટ, દીપડો ઘરમાં ઘૂસી જતાં કરાયું રેસ્ક્યુ

અમરેલી જિલ્લાના ગીર કાંઠા ગામમાં વિસ્તારમાં જંગલી પ્રાણીઓના કારણે લોકોમાં ડરનો માહોલ છવાય ગયો છે.જ્યારે ધારીના જળજીવડી ગામમાં રાત્રી સમયે દીપડાએ બે પશુઓ પર હુમલો કર્યો હતો,જોકે ગ્રામજનો નિંદ્રા માંથી જાગી જતા અને બુમાબુમ થતા દીપડો ભાગવાના પ્રયાસમાં મુન્ના રામાણીના ઘરમાં ઘૂસી ગયો હતો,જે ઘટનાને પગલે ગ્રામજનોએ વનવિભાગને જાણ કરી હતી,વન વિભાગની ટીમ જળજીવડી ગામમાં દોડી આવી હતી,અને ઘરની અંદર માળીયામાં છુપાઈને બેઠેલા દીપડાને વન અધિકારીઓએ ટ્રાન્ક્યુલાઈઝ કરીને પિંજરામાં પૂર્યો હતો,અને જસાધાર એનિમલ કેર સેન્ટર ખાતે લઇ જવામાં આવ્યો હતો.વન વિભાગે દીપડાનું રેસ્ક્યુ કરતા ગ્રામજનોએ રાહતનો શ્વાસ લીધો હતો.