અંક્લેશ્વર તાલુકાના જીતાલી ગામમાં સેગપુર રોડ પર આવેલી શિવ વિલા સોસાયટીમાં 24 વર્ષીય મહિલાના ઘરમાં ગેરકાયદે પ્રવેશ કરી છેડતી કર્યાનો બનાવ સામે આવ્યો છે. મહિલાની ફરિયાદ બાદ અંક્લેશ્વર રૂરલ પોલીસે ગણતરીના કલાકોમાં આરોપીની ધરપકડ કરી છે. મહિલા પોતાના ઘરમાં હતી ત્યારે સોસાયટીમાં રહેતો બાલા નકુલ ગોડ અચાનક ઘરમાં ઘૂસી આવ્યો હતો.

મહિલાની સંમતિ વિના તેના કપાળ પર હાથ ફેરવ્યો હતો. ત્યારબાદ “હું તને બહુ પસંદ કરું છું. આઈ લવ યુ” કહી મહિલાનો હાથ પકડી છેડતી કરી હોવાનું ફરિયાદમાં જણાવાયું છે.અવાજ સાંભળતા આરોપી મહિલાએ બૂમાબૂમ કરી હતી. પકડાઈ જવાના ડરે સ્થળ પરથી ભાગી ગયો હતો. બાદમાં મહિલાએ પરિવારજનોને જાણ કરી. તે અંકલેશ્વર રૂરલ પોલીસ મથકે પહોંચી. તેણે ફરિયાદ નોંધાવી હતી જેના પગલે પોલીસે આરોપીની ધરપકડ કરી કાયદેસરની કાર્યવાહી હાથ ધરી છે.