ભરૂચ: ઝાડેશ્વર ગ્રામપંચાયતમાં ડેપ્યુટી સરપંચની ચૂંટણી યોજાય, 1 વોટથી મહેશ નિઝામા ચૂંટાયા

ભરૂચના ઝાડેશ્વર ગામની ગ્રામ પંચાયત ખાતે ડેપ્યુટી સરપંચની ચૂંટણી પ્રક્રિયા હાથ ધરવામાં આવી હતી.જેમાં 1 વોટથી  સિંદૂર પેનલના મહેશ નિઝામા ડેપ્યુટી સરપંચ બન્યા હતા.

ભરૂચના ઝાડેશ્વર ગ્રામ પંચાયત કચેરી ખાતે મદદનીશ તાલુકા વિકાસ અધિકારી રમેશ આહીરની ઉપસ્થિતિમાં ડેપ્યુટી સરપંચની ચૂંટણી પ્રક્રિયા હાથ ધરવામાં આવી હતી.જેમાં સિંદૂર પેનલના મહેશ નિઝામા અને ક્રિષ્ના ચિરાગભાઈએ ઉમેદવારી નોંધાવી હતી.જે ચૂંટણી પ્રક્રિયામાં મહેશ નિઝામાને 13 વોટ મળ્યા હતા.જ્યારે ક્રિષ્ના ચિરાગભાઈને 12 વોટ મળ્યા હતા જેથી 1 વોટથી મહેશ નિઝામા વિજેતા બનતા તેઓ ડેપ્યુટી સરપંચ તરીકે ચૂંટાયા હતા.સિંદૂર પેનલન મહેશ નિઝામા ડેપ્યુટી સરપંચ બનતા તેઓના ટેકેદારોએ તેઓને વધાવી લીધા હતા.