ભરૂચ: કમોસમી વરસાદમાં પણ રસ્તા તૂટ્યા, આમોદ નજીકનો માર્ગ અત્યંત બિસ્માર હાલતમાં !

કમોસમી વરસાદમાં ભરૂચના આમોદ નજીકથી પસાર થતો નેશનલ હાઇવે નંબર 64 નો માર્ગ અત્યંત બિસ્માર હાલતમાં થઈ જતા વાહન ચાલકો અકસ્માતની શક્યતા વ્યક્ત કરી રહ્યા છે

ભરૂચ જિલ્લામાં કમોસમી વરસાદ બાદ ફરીથી રસ્તાઓની હાલત બિસ્માર બની ગઈ છે. ખાસ કરીને આમોદ નજીકના નેશનલ હાઈવે નં. 64  પર ઠેરઠેર મસમોટા ખાડા પડી જતા વાહનચાલકોને ભારે મુશ્કેલીનો સામનો કરવો પડી રહ્યો છે. થોડા મહિના પહેલા જ રોડ પર પેચિંગ વર્ક કરવામાં આવ્યું હતું, છતાં થોડા વરસાદમાં જ રસ્તો બિસ્માર બની ગયો છે. ખાડાઓના કારણે  વાહનચાલકો માટે રસ્તો જોખમી બની ગયો છે. રાત્રિના સમયે અકસ્માતનો ભય વ્યક્ત કરવામાં આવી રહયી છે.વાહન ચાલકોએ માર્ગના તાત્કાલિક સમારકામની માંગ કરી છે.