Connect Gujarat
ભરૂચ

ભરૂચ-વડોદરામાંથી 10 સ્પોર્ટ્સ બાઇકની ચોરી કરનાર મધ્યપ્રદેશની ગેંગના 2 સાગરીતો ઝડપાયા, રૂ. 7.15 લાખની ચોરીની બાઇકો જપ્ત

ભરૂચ જીલ્લામાં વ્હીકલ ચોરીઓના ગુનાઓ બનતા અટકાવવા તેમજ શોધી કાઢવા માટે એલ.સી.બી. સહીત અલગ અલગ પોલીસ સ્ટેશનોની ટીમ બનાવાય હતી

ભરૂચ-વડોદરામાંથી 10 સ્પોર્ટ્સ બાઇકની ચોરી કરનાર મધ્યપ્રદેશની ગેંગના 2 સાગરીતો ઝડપાયા, રૂ. 7.15 લાખની ચોરીની બાઇકો જપ્ત
X

ભરૂચ જીલ્લામાં વ્હીકલ ચોરીઓના ગુનાઓ બનતા અટકાવવા તેમજ શોધી કાઢવા માટે એલ.સી.બી. સહીત અલગ અલગ પોલીસ સ્ટેશનોની ટીમ બનાવાય હતી. જીલ્લામાં વધારે પ્રમાણમાં થતી વ્હીકલ ચોરીના વિસ્તારની વિઝીટ, આયડેન્ટીફાય કરી જરૂરી મેપ બનાવી, ડીકોઇ કરી, સી.સી.ટી.વી. ફુટેઝ તેમજ ટેકનીકલ સર્વેલન્સ વિગેરેની મદદ મેળવી હતી.

ભરૂચ એલ.સી.બી.ઉમલ્લા તેમજ ઝઘડીયા પો.સ્ટે.ની બનાવવામાં આવેલ અલગ અલગ ટીમોને જરૂરી માગદર્શન આપી એક્શન પ્લાન તૈયાર કરી સઘન પ્રયત્નો હાથ ધરવામા આવ્યા હતા. જેના પરિણામ સ્વરૂપે વ્હીકલ ચોરી અંગે કામગીરી કરતી ટીમોને સી.સી.ટી.વી. ફુટેઝ તથા ટેકનીકલ સર્વેલન્સથી હકિકત સાંપડેલ કે, ભરૂચ જીલ્લાના અલગ અલગ પોલીસ સ્ટેશન વિસ્તારોમાંથી ચોરી થતી મોટર સાયકલોને મધ્યપ્રદેશ રાજયના અલીરાજપુર અને જાંબુઆની ગેંગ દ્વારા અંજામ અપાય છે, ત્યારે આ ગેંગના 2 સાગરીતો મધ્યપ્રદેશ રાજયના જાંબુઆ ખાતે છે. જેથી પો.સ.ઇ. એન.જે.ટાપરીયા ઉમલ્લા પો.સ્ટે.ની એક ટીમને તાત્કાલીક મધ્યપ્રદેશ ખાતે તપાસમાં મોકલી આપવામાં આવી હતી. આ ટીમ દ્વારા મધ્યપ્રદેશ રાજયના અલગ અલગ જીલ્લાઓમાં કેમ્પ રાખી ગેંગના બન્ને સાગરીતોને ઝડપી લીધા હતા. બન્ને આરોપી તથા તેઓની સાથેના અન્ય 3 સાગરીતોએ ભેગા મળી ભરૂચ તથા વડોદરા જીલ્લામાંથી અલગ અલગ કંપનીની 10 મોટર સાયકલોની ચોરી કર્યાની કબુલાત કરતા પોલીસે રૂપિયા 7.15 લાખની બાઇકો રીકવર કરાઈ હતી. ઝઘડિયામાં લેબર તરીકે MPના અલીરાજપુરથી પકડાયેલા મોહન મગરસીંગ બામણીયા અને સંજય સોબતસીંગ બામણીયા આવ્યા હતા. જેઓએ વાહન મારફતે તેઓના અન્ય 3 વોન્ટેડ સાગરીત સુનીલ ઉર્ફે નાનકો ઇંટા બામણીયા, કાલુ ડાવર અને સોહનને બોલાવી રાત્રિ દરમ્યાન સ્પોર્ટ્સ બાઇકના લોક તોડતા હતા, ત્યારબાદ વાયરિંગ ડાયરેકટ કરી બાઇકો ચાલુ કરી વતન તરફ ભાગી જતા હતા.

Next Story
Share it