અંકલેશ્વર: MPના ડેપ્યુટી CMની ઉપસ્થિતિમાં પાનોલી ખાતે ઉદ્યોગ સંવાદ કાર્યક્રમ યોજાયો

અંકલેશ્વરના પાનોલી ઇન્ડસ્ટ્રીયલ એસોસીએસન ખાતે MPના ડેપ્યુટી CMએ રાજેન્દ્ર શુકલાની ઉપસ્થિતિમાં ઉદ્યોગ સંવાદ કાર્યક્રમ યોજાયો હતો

મધ્યપ્રદેશના નાયબ મુખ્યમંત્રી રાજેન્દ્ર શુક્લા ભરુચ જિલ્લાની 2 દિવસ ની મુલાકાતે આવ્યા હતા ત્યારે તેઓની વિશેષ ઉપસ્થિતિમાં પાનોલી ઇન્ડસ્ટ્રીયલ એસોસીએસન ઓફિસ ખાતે પાનોલી ઇન્ડસ્ટ્રીયલ એસોસિએશન,અંકલેશ્વર ઇન્ડસ્ટ્રીયલ એસોસિએશન અને લઘુ ઉધોગ ભારતી ભરૂચ જિલ્લાના સંયુક્ત ઉપક્રમે ઉધોગકારોનો સંવાદ કાર્યક્રમ યોજાયો જેમાં નાયબ મુખ્ય મંત્રીએ વિવિધ સરકારી યોજના સહિત અન્ય મુદ્દે ઉધોગકારો સાથે ચર્ચા વિચારણા કરી હતી.આ સંવાદમાં ગુજરાત સરકારના પૂર્વ ગૃહ મંત્રી પ્રદીપસિંહ જાડેજા ,ભરૂચ જિલ્લાના પ્રમુખ મારુતિ સિંહ અટોદરિયા ,અંકલેશ્વર હાંસોટના ધારાસભ્ય ઈશ્વરસિંહ પટેલ,ભરૂચ જિલ્લાના પ્રભારી અશોક પટેલ, જિલ્લા મહામંત્રી નિરલ પટેલ,વિનોદ પટેલ તેમજ પી.આઇ.એના પ્રમુખ બી.એસ.પટેલ, તેમજ લઘુઉધોગ ભારતીના અધ્યક્ષ બળદેવ પ્રજાપતિ તેમજ ઉધોગપતિઓ ઉપસ્થિત રહ્યા હતા.