અંકલેશ્વર: જુના નેશનલ હાઇવે પર સ્પીડ બ્રેકર મુકવાની માંગ, અકસ્માતની ભીતિ

અંકલેશ્વર-ભરુચ જૂના નેશનલ હાઇવે ઉપર ઑ.એન.જી.સી. બ્રિજ સ્થિત બાપુ નગર પાસે સ્પીડ બ્રેકર બનાવવા સ્થાનિકોએ માંગ કરી છે.

અંકલેશ્વર-ભરુચ જૂના નેશનલ હાઇવે ઉપર ઑ.એન.જી.સી. બ્રિજ સ્થિત બાપુ નગર પાસે મુખ્ય માર્ગ ઉપરથી ફૂલ સ્પીડમાં વાહનો પસાર થતાં સ્થાનિકો અકસ્માતની ભીતિ સેવી રહ્યા છે.અવાર નવાર આ સ્થળે અકસ્માતની ઘટનાઓ પ્રકાશમાં આવી રહી છે.તેવામાં તંત્ર દ્વારા આ સ્થળે બંને તરફ સ્પીડ બ્રેકર બનાવવામાં આવે તેવી માંગ રહીશો કરી રહ્યા છે.થોડા દિવસ પહેલા જ આ સ્થળે અકસ્માતની ઘટના પણ સામે આવી છે.ત્યારે સ્કૂલે જતાં બાળકો પણ માર્ગ ઓળંગતી વેળા ગભરાઈ રહ્યા છે.