અંકલેશ્વર : સ્વચ્છતા મિશન અંતર્ગત કલિંગા સેવા ચેરિટેબલ ટ્રસ્ટ દ્વારા સફાઈ ઝુંબેશ હાથ ધરાય...

ભરૂચ જિલ્લાના અંકલેશ્વરના કલિંગા સેવા ચેરિટેબલ ટ્રસ્ટ દ્વારા સામાજિક કાર્યના ભાગરૂપે સ્વચ્છતા મિશન અંતર્ગત સફાઈ ઝુંબેશ હાથ ધરવામાં આવી હતી.

સ્વચ્છ ભારત મિશન અંતર્ગત સમગ્ર દેશમાં ઠેર ઠેર સફાઈ ઝુંબેશો હાથ ધરવામાં આવે છે, ત્યારે ભરૂચ જિલ્લાના અંકલેશ્વર GIDC વિસ્તાર સ્થિત કલિંગા સેવા ચેરિટેબલ ટ્રસ્ટ દ્વારા સફાઈ અભિયાન હાથ ધરવામાં આવ્યું હતું. અંકલેશ્વર GIDCના વિવિધ વિસ્તારમાં કલિંગા સેવા ચેરિટેબલ ટ્રસ્ટ દ્વારા સાફ સફાઈ કરી વિસ્તારને સ્વચ્છ બનાવવામાં આવ્યો હતો, જ્યાં GIDC પોલીસ મથકથી ગોપાલ ડેરી સુધીના જાહેર માર્ગની બાજુબાજુના ભાગમાં સફાઈ કરી સ્વચ્છતા કેળવવાનો પ્રયાસ કરાયો હતો. આ સાથે જ લોકોને ગમે ત્યાં કચરો ન ફેંકવા તેમજ ગંદકી નહીં કરવા કલિંગા સેવા ચેરિટેબલ ટ્રસ્ટના સભ્યો દ્વારા અપીલ કરવામાં આવી હતી. આ સફાઈ ઝુંબેશમાં મોટી સંખ્યામાં કલિંગા સેવા ચેરિટેબલ ટ્રસ્ટના સભ્યો ઉપસ્થિત રહ્યા હતા.