અંકલેશ્વર: તાડફળિયામાં ચાલતા જુગારધામ પર પોલીસના દરોડા, 5 જુગારીઓની ધરપકડ
પોલીસે તાડ ફળિયામાં જુગાર રમતા પાંચ જુગારીયાઓને રૂ.1 લાખના મુદ્દામાલ સાથે ઝડપી પાડ્યા હતા જ્યારે અન્ય પાંચ જુગારી ફરાર થઈ ગયા હતા
અંકલેશ્વર શહેર એ ડિવિઝન પોલીસે તાડ ફળિયામાં જુગાર રમતા પાંચ જુગારીયાઓને રૂ.1 લાખના મુદ્દામાલ સાથે ઝડપી પાડ્યા હતા જ્યારે અન્ય પાંચ જુગારી ફરાર થઈ ગયા હતા
અંકલેશ્વર શહેર એ ડિવિઝન પોલીસ મથકનો સ્ટાફ પેટ્રોલિંગમા હતો તે દરમિયાન બાતમી મળી હતી કે તાડ ફળિયામાં રહેતો વિજય દલપત વસાવા બહારથી માણસો બોલાવી તાડ ફળિયાની પાછળની દીવાલ પાસે ખુલ્લી જ્ગ્યામાં ઇલેક્ટ્રીક લાઇટના અજવાળે જુગારધામ ચલાવે છે.જેવી બાતમીના આધારે પોલીસે દરોડા પાડ્યા હતા પોલીસે સ્થળ પરથી રોકડા 12 હજાર અને ત્રણ વાહનો તેમજ ચાર ફોન મળી કુલ 1 લાખથી વધુનો મુદ્દામાલ કબ્જે કર્યો હતો અને ગજાનંદ સોસાયટીમાં રહેતો જુગારી ઠાકોર દેવાભાઈ પટેલ,તાલિબ ગુલામ મોહમંદ શેખ,રામસિંગ વસાવા,સુરેશ વસાવા અને તમીલ ચેલવાન રામાસ્વામીને ઝડપી પાડ્યો હતો જ્યારે મુખ્ય સૂત્રધાર પાંચ જુગારીયાઓને વોન્ટેડ જાહેર કરી વધુ તપાસ હાથ ધરી છે.
