ભરૂચ : કોર્ટ સંકુલ સામે મુખ્ય માર્ગ પર વૃક્ષ ધરાશાયી થતાં ભારદાર ડાળીઓથી કારને નુકશાન, ફાયર ફાઇટરો દોડ્યા

વૃક્ષ ધરાશાયી થતાં જ આસપાસના લોકોમાં નાસભાગ મચી જવા પામી હતી.

author-image
By Connect Gujarat in ભરૂચ સમાચાર
New Update
ભરૂચ : કોર્ટ સંકુલ સામે મુખ્ય માર્ગ પર વૃક્ષ ધરાશાયી થતાં ભારદાર ડાળીઓથી કારને નુકશાન, ફાયર ફાઇટરો દોડ્યા

મળતી માહિતી અનુસાર, ભરૂચ શહેરના કોર્ટ સંકુલ સામે મુખ્ય માર્ગ પર બપોરના સમયે લીમડાનું વૃક્ષ અચાનક ધરાશાયી થયું હતું. વૃક્ષ ધરાશાયી થતાં જ આસપાસના લોકોમાં નાસભાગ મચી જવા પામી હતી. તો બીજી તરફ, વૃક્ષ ધરાશાયી થતાં પાર્ક કરેલી એક કાર પર વૃક્ષની ભારદાર ડાળીઓ પડતાં કારને મોટું નુકશાન પહોચ્યું હતું, જ્યારે વૃક્ષ ધરાશાયીની ઘટનામાં મુખ્ય માર્ગ પર ટ્રાફિક જામના દ્રશ્યો સર્જાયા હતા.

બનાવની જાણ થતાં જ ભરૂચ નગરપાલિકાના ફાયર ફાઇટરો તાત્કાલિક ઘટના સ્થળે દોડી આવ્યા હતા. ફાયર ફાઇટરોએ કટરની મદદથી વૃક્ષની ડાળીઓ કાપી માર્ગને ખુલ્લો કરાવ્યો હતો. સદનસીબે આ ઘટનામાં કોઈ જાનહાની નહીં થતાં લોકોએ રાહતનો શ્વાસ લીધો હતો.

#heavy branches #car #court complex #main road #tree fell #Bharuch #fire fighters
Related Articles