ભરૂચ:વાગરાના ચાંચવેલ ગામેથી ગાંજાના જથ્થા સાથે એક આરોપીની પોલીસે કરી ધરપકડ

ભરૂચ જિલ્લાનું યુવાધન નશાના રવાડે નહીં ચઢે અને નશાયુકત પદાર્થોના ખરીદ-વેચાણ તેમજ હેરાફેરી અટકાવવા સહિત ગેરકાયદેસર પ્રવૃત્તિના કેસો શોધી કાઢવા ભરૂચ પોલીસ વડા મયુર ચાવડાએ આપેલ સૂચનાને આધારે ભરુચ એસ.ઑ.જીના પી.આઈ એ.એ.ચૌધરી,એમ.વી.તડવીના માર્ગ દર્શન હેઠળ પી.એસ.આઈ એમ.એચ.વાઢેર સહિત સ્ટાફ જીલ્લામાં પેટ્રોલીંગમાં હતો તે દરમિયાન વાગરા પોલીસ મથકના પી.એસ.આઈ એ.કે.જાડેજાને બાતમી મળી હતી કે વાગરા તાલુકા ચાંચવેલ ગામના તળાવ ફળિયામાં રહેતો સુલેમાન ઉર્ફે બાદશાહ અલ્લીહાજી પટેલના ઘરે ગાંજાનો જથ્થો હોવાની બાતમીના આધારે પોલીસે દરોડા પાડ્યા હતા પોલીસે સ્થળ પરથી 2 કિલો 768 ગ્રામ ગાંજાનો જથ્થો મળી આવ્યો હતો પોલીસે ગાંજો અને વજન કાંટો તેમજ ફોન મળી કુલ 27 હજારથી વધુનો મુદ્દામાલ કબ્જે કર્યો હતો અને સુલેમાન ઉર્ફે બાદશાહ અલ્લીહાજી પટેલને ઝડપી પાડ્યો હતો જ્યારે અન્ય એકને વોન્ટેડ જાહેર કરી વધુ તપાસ હાથ ધરી છે.