ભરૂચ: નંદેલાવ ગ્રામપંચાયતમાં વિકાસના કામોનું ભૂમિપૂજન અને લોકાર્પણ,MLA રમેશ મિસ્ત્રી રહ્યા ઉપસ્થિત

ભરૂચની નંદેલાવ ગ્રામપંચાયતમાં કરવામાં આવેલ વિકાસના વિવિધ કાર્યોનું ધારાસભ્ય રમેશ મિસ્ત્રીના હસ્તે લોકાર્પણ અનેક ભૂમિપૂજન કરવામાં આવ્યું હતું

રાજયસરકાર દ્વારા રાજ્યના વિવિધ વિસ્તારોમાં વિકાસના વિવિધ કાર્યો કરવામાં આવી રહ્યા છે ત્યારે ભરૂચની નંદેલાવ ગ્રામપંચાયત અંતર્ગ આવતા વિસ્તારોમાં સરકારની વિવિધ ગ્રાન્ટમાંથી રૂપિયા 59 લાખના ખર્ચે વિકાસના વિવિધ કામો કરવામાં આવ્યા છે જેનું આજરોજ ભરૂચના ધારાસભ્ય રમેશ મિસ્ત્રીના હસ્તે ભૂમિપૂજન અને લોકાર્પણ કરવામાં આવ્યું હતું. ખાસ કરીને મંગલદીપ સોસાયટીમાં કૉમ્યુનિટી હૉલ,શૌચાલય,પેવર બ્લોક,બુસા સોસાયટી પાસે કમ્પાઉન્ડ વોલ ,અને તળાવ પાસે પ્રોટેકશન વોલ સહિતના કામોનો પ્રારંભ કરવામાં આવ્યો હતો. આ પ્રસંગે ભરૂચ જિલ્લા પંચાયતની બાંધકામ સમિતિના ચેરમેન ધર્મેશ મિસ્ત્રી, સ્થાનિક આગેવાનો અને ગ્રામજનો ઉપસ્થિત રહ્યા હતા