દેશની આઝાદીમાં સૌથી મોટુ યોગદાન આપનારી કોંગ્રેસ પાર્ટી તેનો 137મો સ્થાપના દિવસ ઉજવી રહી છે ત્યારે ભરૂચમાં પણ વિવિધ સેવાકીય પ્રવૃતિઓ યોજવામાં આવી હતી. ભરૂચ જિલ્લા કોંગ્રેસ સમિતિ દ્વારા ૧૩૭ માં કોંગ્રેસ પક્ષ ની સ્થાપના દિવસની ઉજવણીના ભાગરૂપે વૃદ્ધાશ્રમ વડીલોનું ઘરએ ભોજન કરવામાં આવ્યું..દેશની સૌથી જૂની પાર્ટી એવી કોંગ્રેસની સ્થાપના 28 ડિસેમ્બર 1885ના રોજ મુંબઈ ખાતે થઈ હતી.137 વર્ષ પૂર્ણ થતા ગુજરાત કોંગ્રેસ સમિતિ તારીખ 4 જાન્યુઆરી સુધી વિવિધ કાર્યક્રમોનું આયોજન ઘડી નાંખવામાં આવ્યું છે જેના ભાગરૂપે ભરૂચ જિલ્લા કોંગ્રેસ સમિતિ દ્વારા વૃદ્ધાશ્રમ વડીલોના ઘરે ભોજન કરાવવામાં આવ્યું હતું.આ કાર્યક્રમમાં જિલ્લા પ્રમુખ પરિમલ સિંહ રાણા, શહેર પ્રમુખ વિકકી શોખી,નગરપાલિકા વિપક્ષના નેતા સમસાદ અલી સૈયદ, હેમેન્દ્ર કોઠીવાલા, સલીમ અમદાવાદી સહિતના આગેવાનો અને કાર્યકરો હાજર રહયાં હતાં.