ભરૂચની ગુજરાત ગેસ કંપની વિવાદમાં આવી છે. કંપનીના જ કર્મચારીએ મેડિકલના બિલોની ચુકવણી કરવામાં આવતી નહી હોવાના આક્ષેપ સાથે કંપનીના ગેટ પર જ ધરણા શરૂ કરી દીધાં છે. ગુજરાત ગેસ કંપનીના કર્મચારી દિલ્પેશ પ્રજાપતિએ જણાવ્યું હતું કે, તેઓ છેલ્લા સાત વર્ષથી ગુજરાત ગેસ ખાતે ફરજ બજાવી રહ્યા છે, દર મહિને પગારમાંથી આરોગ્યના હેતુસર અમુક રકમ કપાઈ છે.

જ્યારે જરૂર પડે ત્યારે તેનો ઉપયોગ કરી શકાય છે પરંતુ દવાખાનાના અંગત કામ માટે વપરાયેલ નાણાં પેટે પહેલા તમે જાતે જ પેમેન્ટ કરી દો ત્યારબાદ કંપની પેમેન્ટ ચૂકવે તેવું જાણવામાં આવ્યું હતું. તેમના બાકી પેમેન્ટ માટે છેલ્લા છ મહિનાથી ઉચ્ચ અધિકારીઓને રજુઆત કરી છે પણ આજદિન સુધી મળવાપાત્ર રકમ તેમને મળી નથી. તેઓ તેમના પત્ની, વૃધ્ધ પિતા અને સાત વર્ષના બાળક સાથે ધરણા પર બેઠા છે અને જયાં સુધી તેમના પશ્નનો નિકાલ નહિ આવે ત્યાં સુધી ધરણા ચાલું રહેશે.

તરફ કનેકટ ગુજરાતની ટીમે ગુજરાત ગેસ કંપનીના અધિકારીઓનો સંપર્ક કરવાનો પ્રયાસ કર્યો હતો પણ કંપનીની પ્રતિક્રિયા જાણી શકાય નથી.