CNG ફરી મોંઘુ થયું, ત્રણ સપ્તાહમાં બીજો વધારો..!

ગુરુવારે સવારે CNGના ભાવમાં વધારો થયો છે. દિલ્હી, નોઈડા અને ગાઝિયાબાદ માટે CNGના ભાવમાં નવો ફેરફાર કરવામાં આવ્યો છે. સીએનજીના ભાવમાં પ્રતિ કિલોગ્રામ 1 રૂપિયાનો વધારો થયો છે. તમને જણાવી દઈએ કે, ત્રણ અઠવાડિયામાં આ બીજી વખત છે જ્યારે CNGની કિંમતમાં વધારો થયો છે. નવા ભાવ આજથી જ લાગુ થઈ ગયા છે.

રાજધાની દિલ્હીમાં CNGની કિંમત 75.59 રૂપિયા પ્રતિ કિલો થઈ ગઈ છે. અગાઉ આ કિંમત 74.59 રૂપિયા પ્રતિ કિલો હતી.

નોઈડામાં CNGની કિંમત વધીને 82.20 રૂપિયા પ્રતિ કિલો થઈ ગઈ છે. અગાઉ આ કિંમત 81.20 રૂપિયા પ્રતિ કિલો હતી.

ગાઝિયાબાદ અને ગ્રેટર નોઈડામાં CNGની કિંમત વધીને 81.20 રૂપિયા પ્રતિ કિલો થઈ ગઈ છે. અગાઉ આ કિંમત 80.20 રૂપિયા પ્રતિ કિલો હતી.