સ્થાનિક શેરબજારની શરૂઆત સપાટ, સેન્સેક્સ 100 પોઈન્ટ તૂટ્યો, નિફ્ટી 17850ની નીચે

સ્થાનિક શેરબજાર શુક્રવારે લીલા નિશાન પર ખુલ્યું હતું, પરંતુ ખુલતાની સાથે જ તે લગભગ 100 પોઈન્ટ તૂટ્યું હતું.

સપ્તાહના છેલ્લા ટ્રેડિંગ દિવસે સેન્સેક્સ 86 પોઈન્ટ વધીને 60045 પર જ્યારે નિફ્ટી 9 પોઈન્ટના વધારા સાથે 17867 પર ખુલ્યો હતો. બેંક નિફ્ટી 90 પોઈન્ટ વધીને 42171 પોઈન્ટના સ્તરે ખુલ્યો હતો. બજારે શરૂઆતી કારોબારમાં જ દબાણ બતાવવાનું શરૂ કર્યું હતું અને તે 200 પોઈન્ટ સુધી લપસતું જોવા મળ્યું હતું. ડિસેમ્બર ક્વાર્ટરના આંકડા જાહેર થયા બાદ HCLના શેરમાં 1.5 ટકાની નબળાઈ જોવા મળી રહી છે. ટાટા સ્ટીલ અને પાવર ગ્રીડ કોર્પોરેશન ઓફ ઈન્ડિયાના શેરમાં તેજી જોવા મળી રહી છે. શુક્રવારના ટ્રેડિંગ સેશનમાં ડોલર સામે રૂપિયો મજબૂત થયો અને 81.2600 પર ખુલ્યો. અગાઉના વેપારમાં, તે 81.5500 ના સ્તરની આસપાસ બંધ હતો. શરૂઆતના કારોબારમાં સેન્સેક્સ 273.21 પોઈન્ટ ઘટીને 59,684.82 પર જ્યારે નિફ્ટી 69.75 પોઈન્ટના ઘટાડા સાથે 17,788.45 પર ટ્રેડ થઈ રહ્યો હતો.