આજે પણ શેરબજાર ઘટાડો સાથે શરૂ, સેન્સેક્સ 800 પોઈન્ટ ડાઉન..!

18 જાન્યુઆરી ગુરુવારે શેરબજાર ઘટાડા સાથે કારોબાર કરી રહ્યું છે. છેલ્લા બે દિવસથી બજાર લાલઘૂમ થઈ ગયું છે. તેનું કારણ રોકાણકારો દ્વારા વેચાણ છે. ગઈકાલે, 2022 પછી પ્રથમ વખત, સેન્સેક્સ 1,000 પોઈન્ટથી વધુ ઘટ્યો હતો. આજે સવારે પણ બંને સૂચકાંકો ઘટાડા સાથે ખુલ્યા હતા.

આજે સેન્સેક્સ 523.06 પોઈન્ટ અથવા 0.73 ટકાના ઘટાડા સાથે 70,977.70 પર ખુલ્યો હતો. જયારે નિફ્ટી 153.70 પોઈન્ટ અથવા 0.71 ટકા ઘટીને 21,418.30 પર પહોંચ્યો હતો. સમાચાર લખાય છે ત્યારે નિફ્ટી પર લગભગ 1375 શેર લીલા અને 876 શેર લાલ રંગમાં ટ્રેડ થઈ રહ્યા હતા.

નિફ્ટીપેક પર અદાણી પોર્ટ્સ, એપોલો હોસ્પિટલ્સ, અલ્ટ્રાટેક સિમેન્ટ, કોલ ઈન્ડિયા અને રિલાયન્સ ઈન્ડસ્ટ્રીઝના શેર લાભ સાથે ટ્રેડ થઈ રહ્યા છે. તે જ સમયે, LTIMindtree, Power Grid Corp, HDFC બેન્ક, એશિયન પેઇન્ટ્સ અને SBI લાઇફ ઇન્સ્યોરન્સના શેરો લુઝર છે.

સેન્સેક્સ કંપનીઓમાં પાવર ગ્રીડ, એશિયન પેઇન્ટ્સ, વિપ્રો, એચડીએફસી બેન્ક, એચસીએલ ટેક્નોલોજીસ, ઇન્ડસઇન્ડ બેન્ક, એનટીપીસી અને જેએસડબલ્યુ સ્ટીલના શેર લાલ નિશાનમાં ટ્રેડ થઈ રહ્યા છે. જ્યારે એક્સિસ બેન્ક, ભારતી એરટેલ, અલ્ટ્રાટેક સિમેન્ટ, ટાટા મોટર્સ અને રિલાયન્સ ઇન્ડસ્ટ્રીઝના શેરોમાં ટોચનો વધારો થયો હતો.