સપ્તાહના છેલ્લા દિવસે બજાર ઓલટાઇમ હાઈ પર બંધ, સેન્સેક્સ 71,000 પોઈન્ટને પાર..!

શુક્રવારે શેરબજારમાં તેજી જોવા મળી હતી. ગુરુવારે યુએસ ફેડરલ રિઝર્વ દ્વારા વ્યાજ દરો યથાવત રાખવાના નિર્ણયની અસર બજાર પર જોવા મળી છે. આજે શરૂઆતના કારોબારમાં સેન્સેક્સ તેના સર્વકાલીન ઊંચા સ્તરે બંધ રહ્યો હતો. તમને જણાવી દઈએ કે શેરબજારમાં સતત વિદેશી ફંડના પ્રવાહને કારણે પણ શેરમાં વધારો થયો છે.

આજે, BSE સેન્સેક્સ 969.55 પોઈન્ટ્સ અથવા 1.37 ટકાના ઉછાળા સાથે 71,483.75ની તેની રેકોર્ડ હાઈ પર બંધ રહ્યો હતો. દિવસ દરમિયાન, સેન્સેક્સ 1,091.56 પોઈન્ટ અથવા 1.54 ટકા વધીને 71,605.76 પર પહોંચ્યો હતો, જે તેની સર્વકાલીન ઈન્ટ્રા-ડે હાઈ હતી.

તે જ સમયે, નિફ્ટી 273.95 પોઈન્ટ અથવા 1.29 ટકા વધીને 21,456.65 ના નવા બંધ સ્તરે બંધ થયો હતો. તે દિવસ દરમિયાન 309.6 પોઈન્ટ અથવા 1.46 ટકા વધીને તેની રેકોર્ડ ઈન્ટ્રા-ડે 21,492.30ની ટોચે પહોંચ્યો હતો. આ ઉપરાંત, વિદેશી રોકાણકારોની સતત ખરીદી વચ્ચે આઇટી, ટેક અને મેટલ શેરોમાં ભારે ખરીદીને કારણે સ્થાનિક ઇક્વિટીમાં મદદ મળી હોવાનું ટ્રેડર્સે જણાવ્યું હતું.