2023ના છેલ્લા ટ્રેડિંગ દિવસે બજાર લાલ નિશાનમાં બંધ, સેન્સેક્સ 150 અને નિફ્ટી 50 પોઈન્ટ ઘટ્યા.

2023 ના છેલ્લા ટ્રેડિંગ સપ્તાહના અંતિમ દિવસે બજાર ઘટાડા સાથે બંધ થયું. આજે સવારે શેરબજાર લાલ નિશાનમાં ખુલ્યું,ત્યાર બાદ બજારે નીચલા સ્તરે કારોબાર શરૂ કર્યો. તમને જણાવી દઈએ કે આ અઠવાડિયે 4 દિવસ સુધી માર્કેટ તેજીથી ટ્રેડ થઈ રહ્યું હતું અને BSE અને NSE સર્વોચ્ચ સ્તરે પહોંચ્યા હતા.

બજારના ઘટાડા અંગે ફોરેક્સ ટ્રેડરે જણાવ્યું હતું કે છેલ્લા પાંચ ટ્રેડિંગ દિવસના બજારમાં ઉછાળા બાદ આજે એનર્જી, બેન્કિંગ અને આઈટી શેર્સમાં વેચવાલીથી ઈન્ડેક્સ ઘટ્યો હતો. આજે BSE સેન્સેક્સ 170.12 પોઈન્ટ અથવા 0.23 ટકા ઘટીને 72,240.26 પર બંધ થયો હતો. દિવસ દરમિયાન તે 327.74 પોઈન્ટ અથવા 0.45 ટકા ઘટીને 72,082.64 પર રહ્યો હતો. નિફ્ટી 47.30 પોઈન્ટ અથવા 0.22 ટકાના ઘટાડા સાથે 21,731.40 પર બંધ રહ્યો હતો. ઈન્ટ્રા-ડે ટ્રેડમાં ઈન્ડેક્સ 101.8 પોઈન્ટ અથવા 0.46 ટકા ઘટીને 21,676.90 થઈ ગયો હતો.

તમને જણાવી દઈએ કે 2023માં BSE બેન્ચમાર્ક 11,399.52 પોઈન્ટ અથવા 18.73 ટકા અને નિફ્ટી 3,626.1 પોઈન્ટ અથવા 20 ટકા વધ્યો હતો.