ફેડરલ રેટ કટની માર્કેટ પર કોઈ નહિ, સેન્સેક્સ-નિફ્ટીમાં મામૂલી વધારો

યુએસ ફેડરલ રિઝર્વે ગુરુવારે મોડી રાત્રે નીતિગત વ્યાજ દરોમાં 0.25 ટકાનો ઘટાડો કર્યો હતો. જોકે ભારતીય શેરબજાર પર તેની કોઈ સકારાત્મક અસર જોવા મળી નથી. આજે એટલે કે શુક્રવારે બંને મુખ્ય સૂચકાંકો  સેન્સેક્સ અને નિફ્ટી નબળાઈ સાથે ખુલ્યા. સેન્સેક્સમાં થોડો વધારો જોવા મળ્યો હતો, જ્યારે નિફ્ટી લાલ નિશાનમાં હતો.

શરૂઆતના ટ્રેડિંગમાં, BSE સેન્સેક્સ 28 પોઈન્ટ અથવા 0.04 ટકાના નજીવા વધારા સાથે 79,569 પર હતો. નિફ્ટી 50 ઈન્ડેક્સ 22 પોઈન્ટ અથવા 0.09 ટકાના ઘટાડા સાથે 24,176 પર ટ્રેડ થઈ રહ્યો હતો. છેલ્લા ટ્રેડિંગ સેશનની વાત કરીએ તો સેન્સેક્સ 836.34 પોઈન્ટ અથવા 1.04 ટકાના ઘટાડા સાથે 79,541.79 પર બંધ થયો હતો. તે જ સમયે, નિફ્ટી 50 ઇન્ડેક્સ 284.67 પોઇન્ટ અથવા 1.16 ટકાના ઘટાડા સાથે 24,199.35 પર બંધ થયો હતો.

આજે રોકાણકારો ઘણી મોટી કંપનીઓના ત્રિમાસિક પરિણામો પર પણ નજર રાખશે. તેમાં ટાટા મોટર્સ, એસબીઆઈ, આરતી ઈન્ડસ્ટ્રીઝ, અશોક લેલેન્ડ, મેટ્રોપોલિસ હેલ્થકેર, એમઆરએફ અને શિપિંગ કોર્પોરેશન ઓફ ઈન્ડિયા જેવી કંપનીઓનો સમાવેશ થાય છે.