શેરબજાર લીલા નિશાન પર ખૂલ્યું, સેન્સેક્સ 400 અને નિફ્ટી 120 પોઈન્ટ ઉછળ્યા...!

ગુરુવારના ટ્રેડિંગ સેશનમાં શેરબજાર લીલા નિશાન પર ખુલ્યું હતું. વૈશ્વિક બજારોમાં મજબૂત વલણો અને રિલાયન્સ ઇન્ડસ્ટ્રીઝ અને ટાટા કન્સલ્ટન્સી સર્વિસિસમાં ખરીદીને કારણે બજારને ફાયદો થયો છે. આજે શરૂઆતના કારોબારમાં BSE સેન્સેક્સ 409.72 પોઈન્ટ વધીને 73,396.75 પર પહોંચ્યો હતો. NSE નિફ્ટી 129.45 પોઈન્ટ વધીને 22,330 પર છે.

સેન્સેક્સમાં ભારતી એરટેલ, ઈન્ફોસિસ, ટેક મહિન્દ્રા, એચસીએલ ટેક્નોલોજીસ, મહિન્દ્રા એન્ડ મહિન્દ્રા, રિલાયન્સ ઈન્ડસ્ટ્રીઝ અને ટાટા કન્સલ્ટન્સી સર્વિસિસના શેર ઝડપથી ટ્રેડ થઈ રહ્યા છે. બીજી તરફ મારુતિ, ટાટા મોટર્સ, પાવર ગ્રીડ અને લાર્સન એન્ડ ટુબ્રોના શેર્સ ટોપ લોઝર હતા.