સપ્તાહના છેલ્લા દિવસે પણ શેરબજારમાં જોરદાર ઉછાળો, નિફ્ટી ઓલ ટાઈમ હાઈ

3 મે 2024 (શુક્રવાર) મેનું પ્રથમ ટ્રેડિંગ સપ્તાહ આજે સમાપ્ત થશે. આ અઠવાડિયે બજાર માત્ર 4 દિવસ માટે ખુલ્લું હતું. 1 મેના રોજ મહારાષ્ટ્ર દિવસ નિમિત્તે શેરબજાર બંધ હતું. આજે બજારમાં તેજી ચાલુ છે. નિફ્ટી ઓલ ટાઈમ હાઈ પર પહોંચી ગયો છે. સેન્સેક્સ 424.12 પોઈન્ટ અથવા 0.57 ટકા વધીને 75,035.23 પોઈન્ટ પર ટ્રેડ કરી રહ્યો છે. નિફ્ટી પણ 119.80 પોઈન્ટ્સ અથવા 0.53 ટકા વધીને 22,768 પોઈન્ટ પર પહોંચ્યો હતો.

નિફ્ટી પર, બજાજ ફાઇનાન્સ, બજાજ ફિનસર્વ, શ્રીરામ ફાઇનાન્સ, હિન્દાલ્કો, ICICI બેન્કના શેર વધ્યા છે, જ્યારે પાવર ગ્રીડ કોર્પ, મારુતિ સુઝુકી, આઇશર મોટર્સ, ડૉ. રેડ્ડીઝ લેબ્સ અને ડિવિસ લેબ્સ નુકસાન સાથે ટ્રેડ કરી રહ્યાં છે.

સેન્સેક્સ પેકમાં, બજાજ ફાઇનાન્સ 6 ટકા વધ્યો હતો, જ્યારે બજાજ ફિનસર્વ લગભગ 5 ટકા વધ્યો હતો. આ પછી એનટીપીસી, આઈસીઆઈસીઆઈ બેંક, ટાટા સ્ટીલ અને જેએસડબલ્યુ સ્ટીલના શેર પણ તેજી સાથે ટ્રેડ થઈ રહ્યા છે. બીજી તરફ, ભારતી એરટેલ, મારુતિ, એશિયન પેઇન્ટ્સ અને લાર્સન એન્ડ ટુબ્રોના શેર લાલ નિશાનમાં છે.