આજે શેરબજારમાં તેજી, સેન્સેક્સ-નિફ્ટીમાં ઉછાળો

સોમવારે ભારતીય શેરબજારમાં તેજી જોવા મળી હતી. શરૂઆતના કારોબારમાં 30 શેરો ધરાવતો BSE સેન્સેક્સ 460.38 પોઈન્ટ અથવા 0.56 ટકા વધ્યો હતો. તે જ સમયે, NSE નિફ્ટી પણ 138.80 પોઈન્ટ અથવા 0.56 ટકા વધીને 25,103.05 પર પહોંચ્યો હતો.

શેરબજારમાં ઉછાળાનું કારણ

આજે વૈશ્વિક ઈક્વિટી માર્કેટમાં હકારાત્મક વલણ જોવા મળ્યું હતું. તેમજ બેંકિંગ અને ફાઈનાન્શિયલ શેરોમાં સારી ખરીદી જોવા મળી હતી. જેના કારણે ભારતીય શેરોમાં ઉછાળો જોવા મળ્યો હતો.

સેન્સેક્સની 30 કંપનીઓમાં લાર્સન એન્ડ ટુબ્રો, જેએસડબલ્યુ સ્ટીલ, એચડીએફસી બેન્ક, ટેક મહિન્દ્રા, અદાણી પોર્ટ્સ એન્ડ સ્પેશિયલ ઈકોનોમિક ઝોન, ઈન્ડસઈન્ડ બેન્ક, એનટીપીસી અને ઈન્ફોસિસના શેરો વધ્યા હતા. તે જ સમયે, એક્સિસ બેન્ક, બજાજ ફાઇનાન્સ, અલ્ટ્રાટેક સિમેન્ટ, મારુતિ સુઝુકી ઇન્ડિયા, ટાટા કન્સલ્ટન્સી સર્વિસિસ (TCS), એશિયન પેઇન્ટ્સ, નેસ્લે ઇન્ડિયા અને હિન્દુસ્તાન યુનિલિવરમાં ઘટાડો જોવા મળ્યો હતો.

વિદેશી રોકાણકારો દ્વારા ભારે વેચાણ

એક્સચેન્જ ડેટા અનુસાર, વિદેશી સંસ્થાકીય રોકાણકારો (FII) એ શુક્રવારે રૂ. 4,162.66 કરોડના શેરનું વેચાણ કર્યું હતું, જ્યારે સ્થાનિક સંસ્થાકીય રોકાણકારો (DII) એ રૂ. 3,730.87 કરોડના શેર ખરીદ્યા હતા.