Connect Gujarat
બિઝનેસ

દેશના આ શહેરમાં ખુલશે iPhoneની સૌથી મોટી ફેક્ટરી.!

વિશ્વમાં સૌથી ઝડપથી વિકસતી અર્થવ્યવસ્થા બની ગયેલું ભારત હવે ચીનને પછાડવાની તૈયારી કરી રહ્યું છે.

દેશના આ શહેરમાં ખુલશે iPhoneની સૌથી મોટી ફેક્ટરી.!
X

વિશ્વમાં સૌથી ઝડપથી વિકસતી અર્થવ્યવસ્થા બની ગયેલું ભારત હવે ચીનને પછાડવાની તૈયારી કરી રહ્યું છે. ખરેખર, iPhone નિર્માતા Apple ભારતમાં તેનો સૌથી મોટો મેન્યુફેક્ચરિંગ પ્લાન્ટ ખોલવા જઈ રહી છે. અત્યાર સુધીની સૌથી મોટી ફેક્ટરી ચીનના ઝેંગઝોઉમાં છે. કેન્દ્રીય ટેલિકોમ અને માહિતી ટેકનોલોજી મંત્રી અશ્વિની વૈષ્ણવે મંગળવારે આ માહિતી શેર કરી.

અશ્વિની વૈષ્ણવે જણાવ્યું કે ભારતમાં Apple iPhoneનું સૌથી મોટું ઉત્પાદન એકમ બેંગલુરુમાં હોસુર પાસે ખુલવા જઈ રહ્યું છે. આમાં 60,000 થી વધુ લોકો કામ કરશે. તેમણે કહ્યું કે આ પ્લાન્ટ શરૂ થવાથી જ્યાં આ વિસ્તારનો વિકાસ થશે ત્યાં રોજગારીની નવી તકો પણ ઉભી થશે.

કેન્દ્રીય મંત્રી અશ્વિની વૈષ્ણવે આદિવાસી ગૌરવ દિવસની ઉજવણી દરમિયાન બોલતા કહ્યું કે રાંચી અને હજારીબાગની આસપાસ રહેતી લગભગ 6,000 આદિવાસી મહિલાઓને આઈફોન બનાવવાની તાલીમ આપવામાં આવી છે અને આ મહિલાઓ આ ફેક્ટરીમાં નોકરી મેળવવામાં સૌથી આગળ હશે. તેને બનાવવાનું કામ ટૂંક સમયમાં શરૂ થશે.

Next Story
Share it