વર્ષના બીજા દિવસે બજાર લાલ નિશાનમાં ખુલ્યું, સેન્સેક્સ 90 અને નિફ્ટી 13 પોઈન્ટ ઘટ્યા.

વર્ષ 2024માં શેરબજારમાં ઉતાર-ચઢાવ જોવા મળ્યો છે. વર્ષ 2024ના પહેલા દિવસે શેરબજાર લાલ નિશાનમાં ખુલ્યું હતું પરંતુ બાદમાં તેજી સાથે વેપાર શરૂ થયો હતો. આજે એટલે કે 2 જાન્યુઆરી 2024ના રોજ શેરબજાર લાલ નિશાન પર ખુલ્યું હતું. શેરબજારમાં ઘટાડાની અસર ભારતીય ચલણ પર પડી છે.

આજે સેન્સેક્સ 119.39 પોઈન્ટ ઘટીને 72,152.55 પર ખુલ્યો હતો. તો નિફ્ટી 21.90 પોઈન્ટ ઘટાડા સાથે 21,720 પોઈન્ટ પર ખુલ્યો હતો. આજે નિફ્ટીમાં લગભગ 1661 શેર ઉછાળા સાથે ટ્રેડ થઈ રહ્યા છે, જ્યારે 583 શેર ઘટી રહ્યા છે.

નિફ્ટી પર, કોલ ઈન્ડિયા, ટાટા મોટર્સ, ટાટા કન્ઝ્યુમર, ભારતી એરટેલ અને નેસ્લે ઈન્ડિયાના શેર લાભ સાથે ટ્રેડ થઈ રહ્યા છે, જ્યારે આઈશર મોટર્સ, અલ્ટ્રાટેક સિમેન્ટ, એક્સિસ બેન્ક, ઈન્ફોસિસ અને કોટક મહિન્દ્રા બેન્ક લાલ નિશાનમાં ટ્રેડ થઈ રહ્યા છે.

સેન્સેક્સ ચાર્ટમાં અલ્ટ્રાટેક સિમેન્ટ, મહિન્દ્રા એન્ડ મહિન્દ્રા, ઈન્ફોસિસ, એશિયન પેઈન્ટ્સ, એચસીએલ ટેક્નોલોજીસ અને લાર્સન એન્ડ ટુબ્રોના શેર નુકસાન સાથે ટ્રેડ થઈ રહ્યા છે. બીજી તરફ, સન ફાર્મા, ભારતી એરટેલ, રિલાયન્સ ઇન્ડસ્ટ્રીઝ, બજાજ ફિનસર્વ અને પાવર ગ્રીડના શેર્સ ટોપ ગેઇનર છે.