પાટણ : “યુનિવર્સિટીમાં દારૂના અડ્ડા બંધ કરો”ના સૂત્રોચાર સાથે NSUIએ હેમચંદ્રાચાર્ય ઉત્તર ગુજરાત યુનિવર્સિટી પરિસર ગજવી મુક્યું

હેમચંદ્રાચાર્ય ઉત્તર ગુજરાત યુનિવર્સિટીમાં NSUIનો હોબાળો

Advertisment

યુનિવર્સિટી પરિસરમાંથી મળી આવી દારૂની ખાલી બોટલો

NSUIએ ભારે હોબાળો મચાવતા પોલીસ તંત્ર દોડતું થયું

પાટણ શહેરમાં આવેલી હેમચંદ્રાચાર્ય ઉત્તર ગુજરાત યુનિવર્સિટીના કંમ્પાઉન્ડમાંથી મોટા પ્રમાણમાં વિદેશી દારૂની ખાલી બોટલો મળી આવતા NSUIના કાર્યકરો દ્વારા ભારે હોબાળો મચાવવામાં આવ્યો હતો. પાટણ શહેરમાં આવેલી હેમચંદ્રાચાર્ય ઉત્તર ગુજરાત યુનિવર્સિટી ખાતે NSUI દ્વારા ભારે હોબાળો મચાવવામાં આવ્યો હતો. છેલ્લા કેટલાક સમયથી હેમચંદ્રાચાર્ય ઉત્તર ગુજરાત યુનિવર્સિટી કેમ્પસમાં દારૂની રેલમછેલમ થતી હોવાથી NSUIમાં રોષ જોવા મળ્યો છે.

યુનિવર્સિટીના કંમ્પાઉન્ડમાંથી મોટા પ્રમાણમાં વિદેશી દારૂની ખાલી બોટલો મળી આવતા “યુનિવર્સિટીમાં દારૂના અડ્ડા બંધ કરો”ના સૂત્રોચાર સાથે NSUIના કાર્યકરોએ યુનિવર્સિટી પરિસર ગજવી મુક્યું હતું. આ સાથે જ “દારૂ કે દલાલો કો જુતે મારો”ના નારા લગાવી NSUIના કાર્યકરોએ યુનિવર્સિટી ખાતે ધરણા પ્રદર્શન કર્યું હતું. તો બીજી તારફ, NSUIના કાર્યકરોનો રોષ જોતા યુનિવર્સિટીએ પોલીસ બોલાવવાની ફરજ પડી હતી, ત્યારે યુનિવર્સિટીના સંચાલકો અને પોલીસની દરમ્યાનગીરીથી મામલો શાંત પડ્યો હતો.