સાઉથ અભિનેતા અલ્લુ અર્જુન તેની પત્ની સાથે નાના ઢાબા પર ભોજન કરતાં જોવા મળ્યા…

સાઉથ ઈન્ડસ્ટ્રીના જાણીતા એક્ટર અલ્લુ અર્જુન આ દિવસોમાં પોતાની આગામી ફિલ્મ પુષ્પા 2ને લઈને ચર્ચામાં છે. અલ્લુ અર્જુન ઘણા સમયથી આ ફિલ્મને લઈને ચર્ચામાં છે, પરંતુ આજે અભિનેતા પોતાની સાદગીથી લાઈમલાઈટમાં છે.

તેની કેટલીક તસવીરો સોશિયલ મીડિયા પર વાયરલ થઈ રહી છે, જેમાં તે તેની પત્ની સાથે ઢાબા પર જમતો જોવા મળી રહ્યો છે. સુપરસ્ટારની આ સ્ટાઈલ જોઈને ફેન્સ તેના વખાણ કરતા થાકતા નથી.

અલ્લુ અર્જુન અને તેની પત્ની સ્નેહા રેડ્ડી રોડ કિનારે આવેલા ઢાબા પર જમતા જોવા મળ્યા હતા. આ તસવીરો એક ફેન્સ દ્વારા ક્લિક કરવામાં આવી છે. ફોટોમાં અભિનેતા ફોન પર વાત કરતા જોવા મળી રહ્યા છે, જ્યારે તેની પત્ની સ્નેહા ભોજન કરતી જોવા મળી રહી છે.

આને શેર કરતા એક ચાહકે લખ્યું, "અલ્લુ અર્જુન અને સ્નેહા રોડ કિનારે આવેલા ઢાબા પર જોવા મળ્યા હતા. સાદગીનું સ્તર." ફેન્સ પોતાના ફેવરિટ એક્ટરના વખાણ કરતા થાકતા નથી.

આ પહેલીવાર નથી જ્યારે અભિનેતાએ રસ્તાની બાજુના ઢાબા પર ભોજન લીધું હોય. આ પહેલા પણ અભિનેતા એક નાની દુકાનમાં ઢોસા ખાતા જોવા મળ્યા છે. થોડા સમય પહેલા અભિનેતાનો એક વીડિયો સામે આવ્યો હતો, જેમાં તે રસ્તાના કિનારે ઢોસા ખાતા જોવા મળ્યા હતા. ઢોસા ખાધા પછી તેણે ટિફિન સેન્ટરના માલિકને 1,000 રૂપિયા આપ્યા, જે માલિકે સ્વીકારવાનો ઇનકાર કર્યો.

અલ્લુ અર્જુન ટૂંક સમયમાં સુકુમારની પુષ્પા 2: ધ રૂલમાં જોવા મળશે, જેમાં સહ-અભિનેતા રશ્મિકા મંદન્ના અને ફહદ ફાઝિલ છે. આ ફિલ્મ આ વર્ષે 15 ઓગસ્ટે સિનેમાઘરોમાં રિલીઝ થશે. કલાકારો આ ફિલ્મ માટે પુષ્પા રાજ, શ્રીવલ્લી અને ભંવર સિંહ શેખાવત તરીકેની તેમની ભૂમિકાઓ ફરીથી ભજવશે, જે 2021ની હિટ પુષ્પાઃ ધ રાઇઝની સિક્વલ છે.