અનુપમાએ ફરી બાજી મારી, TRP રેટિંગમાં સૌથી ટોપ પર

આ અઠવાડિયાંનો BARC TRP રિપોર્ટ બહાર આવ્યો છે. નવા શો 'ઝનક' એ ઝડપથી લિસ્ટમાં પોતાની જગ્યા બનાવી લીધી છે. હવે આ શો 'અનુપમા', 'ગુ મ હૈ કિસી કે પ્યાર મેં' અને 'યે રિશ્તા ક્યા કહેલાતા હૈ' જેવા લાંબા ચાલતા શો સાથે સ્પર્ધા કરી રહ્યો છે.સિરિયલ 'અનુપમા' ટીઆરપી લિસ્ટમાં ટોપ પર છે. પ્રેક્ષકો ઈચ્છે છે કે અનુપમા અને અનુજ ફરી એક વાર ફરી એક થાય. આ ટ્રેકની લોકપ્રિયતાને કારણે રાજન શાહીનો શો આ અઠવાડિયે પણ પ્રથમ સ્થાને રહેવામાં સફળ રહ્યો. આ શોને 2.3 મિલિયન વ્યુઅરશિપ ઇમ્પ્રેશન મળી છે.BARC હજારો ફ્રીક્વન્સીમાંથી ડેટા લઈને સમગ્ર ટીવી ચેનલોની ટીઆરપીનો અંદાજ કાઢે છે. આ એજન્સી TRP માપવા માટે ખાસ ગેજેટનો ઉપયોગ કરે છે. ટીઆરપી માપવા માટે કેટલીક જગ્યાએ બેરોમીટર લગાવવામાં આવ્યા છે. કયો પ્રોગ્રામ અથવા ચેનલ સૌથી વધુ અને કેટલી વાર જોવામાં આવે છે તે શોધવા માટે આ બેરોમીટર ચોક્કસ ફ્રીક્વન્સીઝનો ઉપયોગ કરે છે.આ મીટર દ્વારા દર મિનિટે ટીવીની માહિતી મોનિટરિંગ એજન્સીને મોકલવામાં આવે છે. આ ટીમ બેરોમીટરથી મળેલી માહિતીનું વિશ્લેષણ કરે છે અને નક્કી કરે છે કે, કઈ ચેનલ કે પ્રોગ્રામની TRP કેટલી છે. ટેલિવિઝન રેટિંગ પોઈન્ટ (TRP) અનુસાર સૌથી વધુ લોકપ્રિય ચેનલોની યાદી બનાવવામાં આવે છે અને ત્યારબાદ ટોચની 10 TRP ટીવી સિરિયલો, ટીવી ન્યૂઝ ચેનલોનો ડેટા સાપ્તાહિક કે માસિક ધોરણે જાહેર કરવામાં આવે છે.