Connect Gujarat
મનોરંજન 

દુબઈ : કિંગ ખાન શાહરૂખનો જન્મદિવસ શાહી અંદાજમાં ઉજવાયો,ચાહકોએ પાઠવી શુભેચ્છા

બોલિવૂડના કિંગ ખાને 2 નવેમ્બરે પોતાનો 56મો જન્મદિવસ ઉજવ્યો. આ અવસર પર મન્નતની બહાર દિવસભર ચાહકોની ભીડ જોવા મળી હતી.

દુબઈ : કિંગ ખાન શાહરૂખનો જન્મદિવસ શાહી અંદાજમાં ઉજવાયો,ચાહકોએ પાઠવી શુભેચ્છા
X

બોલિવૂડના કિંગ ખાને 2 નવેમ્બરે પોતાનો 56મો જન્મદિવસ ઉજવ્યો. આ અવસર પર મન્નતની બહાર દિવસભર ચાહકોની ભીડ જોવા મળી હતી, સાથે જ સોશિયલ મીડિયા પર પણ શાહરૂખને દિવસભર અભિનંદન મળી રહ્યા છે. સેલેબ્સથી લઈને તેમના પ્રિયજનો સુધી... લોકો રાત સુધી બોલિવૂડના બાદશાહને જન્મદિવસની શુભેચ્છા પાઠવતા રહ્યા અને તેમને વિશેષ અનુભવ કરાવ્યા. પરંતુ આ દરમિયાન શાહરૂખના બર્થડે પર ફરીથી કંઈક એવું બન્યું, જેને સાંભળીને તમારું દિલ ખુશ થઈ જશે. તમને યાદ હશે કે ગયા વર્ષે કિંગ ખાનના જન્મદિવસે દુબઈનું બુર્જ ખલીફા રોશનીથી ઝળહળી ઉઠ્યું હતું.

આ વર્ષે પણ શાહરૂખના જન્મદિવસ પર બુર્જ ખલીફાને દુલ્હનની જેમ શણગારવામાં આવ્યો હતો. દુબઈથી કેટલીક તસવીરો સામે આવી છે જેમાં બુર્જ ખલીફા સંપૂર્ણ રીતે ઝળહળેલી જોવા મળે છે. બુર્જ ખલીફાની ત્રણ તસવીરોનો કોલાજ શેર કર્યો છે. એક તસવીરમાં બુર્જ ખલીફા પર શાહરૂખનું નામ લખેલું જોવા મળે છે, બીજી તસવીરમાં શાહરૂખની તસવીર અને ત્રીજી તસવીરમાં હેપ્પી બર્થ ડે શાહરૂખ ખાન બુર્જ ખલીફા પર લખાયેલો જોવા મળે છે. શાહરૂખ માટે ફરી આ સન્માન જોઈને તેના ચાહકો ખૂબ જ ખુશ થાયા છે.

બોલિવૂડના કિંગ ખાને આ વર્ષે તેના જન્મદિવસ પર ભલે કોઈ ભવ્ય પાર્ટી ન રાખી હોય, પરંતુ આ જન્મદિવસ તેના માટે અન્ય કારણોસર ખૂબ જ ખાસ રહ્યો છે. કિંગ ખાનના જન્મદિવસના થોડા દિવસો પહેલા જ આર્યન ખાન રિલીઝ થઈને ઘરે આવ્યો હતો. NCB દ્વારા ડ્રગ્સ કેસમાં આર્યનની ધરપકડ કરવામાં આવી હતી. આર્યન લગભગ 25 દિવસ સુધી મુંબઈની આર્થર રોડ જેલમાં બંધ રહ્યો હતો, આખરે તેને 28 ઓક્ટોબરે જામીન મળ્યા હતા અને 30 ઓક્ટોબરના રોજ તે જેલમાંથી છૂટ્યા બાદ મન્નત પરત ફર્યો હતો.

Next Story
Share it