પ્રખ્યાત રેપર કોસ્ટા ટિચનું એક કોન્સર્ટ દરમિયાન થયું મોત..!
દક્ષિણ આફ્રિકાના પ્રખ્યાત રેપર અને સંગીતકાર કોસ્ટા ટિચનું નિધન થયું છે. અહેવાલો અનુસાર રેપર કોન્સર્ટ દરમિયાન બેભાન થઈ ગયો હતો
દક્ષિણ આફ્રિકાના પ્રખ્યાત રેપર અને સંગીતકાર કોસ્ટા ટિચનું નિધન થયું છે. અહેવાલો અનુસાર રેપર કોન્સર્ટ દરમિયાન બેભાન થઈ ગયો હતો અને તે દરમિયાન તેનું મૃત્યુ થયું હતું. કોસ્ટા ટીચાના આકસ્મિક નિધનથી દરેક ફેન્સ આઘાતમાં છે. તેની ઉંમર માત્ર 27 વર્ષની હતી. આ ઘટના બની ત્યારે કોસ્ટા ટિચ જોહાનિસબર્ગમાં અલ્ટ્રા સાઉથ આફ્રિકા મ્યુઝિક કોન્સર્ટમાં પરફોર્મ કરી રહ્યો હતો.
મીડિયા રિપોર્ટ્સ અનુસાર જ્યારે આ ઘટના બની ત્યારે કોસ્ટા ટિચ જોહાનિસબર્ગમાં અલ્ટ્રા સાઉથ આફ્રિકા મ્યુઝિક કોન્સર્ટમાં પરફોર્મ કરી રહ્યો હતો. જો કે રેપરના મોતનું કારણ હજુ સુધી સ્પષ્ટ થયું નથી. વિવિધ કલાકારો, સંગીત નેટવર્ક્સ અને ચાહકોએ કોસ્ટા તિજના નિધન પર શોક વ્યક્ત કર્યો છે.
કોસ્ટા ટીચાના નિધનના સમાચાર પર વિશ્વાસ કરવો દરેકને મુશ્કેલ થઈ રહ્યો છે. દરમિયાન, કોસ્ટા ટિચના મૃત્યુ પહેલાનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે પરફોર્મ કરતી વખતે કોસ્ટા ટિચ સ્ટેજ પર જ પડી ગયો હતો. પડ્યા પછી, તે પોતાને સંભાળે છે, પરંતુ થોડા સમય પછી બેહોશ થઈ જાય છે અને ફરીથી પડી જાય છે.
