શહેરની સુંદરતામાંથી ગામડાની છોકરી બની સારા અલી ખાન, જુઓ એનો આ અલગ અંદાજ

બોલિવૂડ અભિનેત્રી સારા અલી ખાન સોશિયલ મીડિયા પર ઘણી એક્ટિવ રહે છે. તેઓ ઘણીવાર તેના શૂટિંગ શેડ્યૂલમાંથી સમય કાઢીને સોશિયલ મીડિયા પર કંઈક પોસ્ટ કરતાં રહે છે. હાલમાં જ તેનો દેશી અવતાર સામે આવ્યો છે. આ દરમિયાન તે સાડી, હાથમાં બંગડીઓ, કપાળ પર બિંદી, કાનમાં બુટ્ટી પહેરીને શહેરની યુવતીમાંથી ગામડાની છોકરી બની ગઈ છે.

વાસ્તવમાં, સારા અલી ખાને તેની આગામી ફિલ્મના શૂટિંગ સેટ પરથી કેટલાક અનસીન ફોટો શેર કર્યા છે, જેમાં તે ખૂબ જ સુંદર લાગી રહી છે. સારાએ 4 ફોટા પોસ્ટ કર્યા છે. આ તસવીરોમાં સારા પિંક કલરની સાડીમાં જોવા મળી રહી છે. દરેક તસવીરમાં તે અલગ-અલગ અંદાજમાં જોવા મળે છે. પ્રથમ તસવીરમાં સારા પલંગ પર બેઠી છે અને કેમેરા તરફ પોઝ આપી રહી છે. બીજી તસવીરમાં તે હસતી જોવા મળી રહી છે. ત્રીજી તસવીરમાં તે ખેતરમાં કેમેરા તરફ પીઠ રાખીને ઉભી છે અને છેલ્લી એટલે કે ચોથી તસવીરમાં તે ગામના કેટલાક બાળકો સાથે ખાટલા પર બેઠેલી જોવા મળે છે. સારાએ કેપ્શનમાં લખ્યું - તમે જ્યાં પણ જાઓ છો, તે કોઈને કોઈ રીતે તમારો ભાગ બની જાય છે.

સારાની આ નવી તસવીરો લક્ષ્મણ ઉતેકરની અનટાઈટલ ફિલ્મના સેટની છે. આ ફિલ્મમાં સારા અને વિકી કૌશલની જોડી જોવા મળવાની છે, જેમાં તે વિકી કૌશલની સામે જોવા મળશે. લક્ષ્મણ ઉતેકરની ફિલ્મ ઉપરાંત, સારા પાસે વિક્રાંત મેસી અને ચિત્રાંગદા સિંહ સાથે પવન ક્રિપલાનીની 'ગેસલાઇટ' પણ છે. તેના કરણ જોહર સાથે પણ બે પ્રોજેક્ટ છે. આ સિવાય સારા અલી ખાન ટૂંક સમયમાં ફિલ્મ 'એ વતન મેરે વતન'માં જોવા મળશે. આ ફિલ્મમાં તે વરુણ ધવન સાથે સ્ક્રીન શેર કરતી જોવા મળશે. આ ફિલ્મ થિયેટરોમાં નહીં, પરંતુ OTT પર રિલીઝ થશે.