Maa Trailer: માયથોલોજિકલ હોરર ફિલ્મ લઈને આવી રહી છે કાજોલ, 'માં'નું ટ્રેલર જોઇને રૂંવાડા કાંપી જશે

કાજોલ જલ્દી જ એક માયથોલોજિકલ હોરર ફિલ્મ લઈને આવી રહી છે. ફિલ્મનું નામ 'મા' છે, જેનું ટ્રેલર રિલીઝ થઈ ગયું છે. આ ટ્રેલર એવું છે કે જોયા પછી ધ્રુજી ઉઠશો.

વર્ષ 2024 માં, અજય દેવગન, આર માધવન અને જ્યોતિકા અભિનીત 'શૈતાન' નામની હોરર ફિલ્મ રિલીઝ થઈ હતી, જે અજયની કંપની દેવગન ફિલ્મ્સ અને જિયો સ્ટુડિયોએ મળીને બનાવી હતી. હવે આ બંને પ્રોડક્શન હાઉસ ફરી એકવાર સાથે આવ્યા છે અને એક માયથોલોજિકલ હોરર ફિલ્મ લાવી રહ્યા છે. ફિલ્મનું નામ 'મા' છે, જેનું ટ્રેલર રિલીઝ થઈ ગયું છે.

જ્યારે અજય દેવગન 'શૈતાન'માં મુખ્ય ભૂમિકામાં હતા, ત્યારે આ વખતે તેમની પત્ની કાજોલ મુખ્ય ભૂમિકામાં છે. 'શૈતાન'માં અજય પોતાના પરિવારને શેતાનથી બચાવતો જોવા મળ્યો હતો, જ્યારે 'મા' દીલ્મના ટ્રેલરમાં કાજોલ પણ પોતાની દીકરીને રાક્ષસથી બચાવતી જોવા મળી રહી છે. 2 મિનિટ 24 સેકન્ડનું આ ટ્રેલર ખૂબ જ જબરદસ્ત છે અને તેમાં એવા ભયાનક અનુભવો જોવા મળી રહ્યા છે, જેને જોઇને આત્મા ધ્રુજી ઉઠશે.

ટ્રેલર એક કારના સીનથી શરૂ થાય છે. કાજોલ તેની દીકરી સાથે ક્યાંક જઈ રહી છે. પછી તેની દીકરીને પેટમાં દુખાવો થાય છે. તે તેની પુત્રીને કહે છે કે તે એક હોટલમાં કાર રોકશે. પછી એક રાક્ષસ તેમની કાર પર હુમલો કરે છે. ત્યારબાદ આગળનો સીન એક મહેલનો બતાવવામાં આવે છે. કાજોલ તેની દીકરીને એક નવી જગ્યાએ લઈ જાય છે અને કહે છે કે તે તેને કહ્યા વિના કશે નહીં જાય. કાજોલ જે નવી જગ્યાએ જાય છે, ત્યાં રાક્ષસ એક પછી એક છોકરીઓને ગાયબ કરવાનું શરૂ કરે છે અને કાજોલની પુત્રી પણ તેના નિશાના પર હોય છે. તે તેની પુત્રીને બચાવવા માટે રાક્ષસનો સામનો કરતી જોવા મળશે.

કાજોલની આ ફિલ્મની રિલીઝ માટે હવે એક મહિનાથી પણ ઓછો સમય બાકી છે. આ ફિલ્મ 27 જૂને સિનેમાઘરોમાં રિલીઝ થવા જઈ રહી છે. વિશાલ ફુરિયાએ આ ફિલ્મનું દિગ્દર્શન કર્યું છે. કાજોલની સાથે રોનિત રોય પણ આ ફિલ્મમાં જોવા મળશે.