Mission Impossible 7 : ટોમ ક્રૂઝની ફિલ્મ 50 કરોડની નજીક પહોંચી, ચોથા દિવસે કરી આટલી કમાણી.!

વર્ષ 1996માં આવેલી 'મિશન ઈમ્પોસિબલ'ની ફ્રેન્ચાઈઝીનો ક્રેઝ 27 વર્ષમાં માત્ર દિવસેને દિવસે વધ્યો છે. આ ફ્રેન્ચાઇઝી હેઠળ 6 ફિલ્મો સુપરહિટ રહી હતી અને હવે વિશ્વભરમાં સાતમી ફિલ્મની લોકપ્રિયતા જોવા મળી રહી છે. ફરી એકવાર ટોમ ક્રૂઝે પોતાના એક્શનથી દર્શકોને દિવાના બનાવી દીધા છે.

ટોમ ક્રૂઝની 'મિશન ઈમ્પોસિબલ - ડેડ રેકનિંગ પાર્ટ વન' (મિશન ઈમ્પોસિબલ 7), ભારતમાં 12 જુલાઈ, 2023ના રોજ રિલીઝ થઈ છે. તેણે સ્થાનિક બૉક્સ ઑફિસ પર ઘણી ફિલ્મોને મોટો ધક્કો આપ્યો છે. આ ફિલ્મે ચાર દિવસમાં જબરદસ્ત કમાણી કરી છે. ફિલ્મે પહેલા ત્રણ દિવસ કરતાં ચોથા દિવસે વધુ કમાણી કરી હતી.

ફિલ્મોને માત્ર સપ્તાહના અંતે જ મહત્તમ લાભ મળે છે. વીકએન્ડ કલેક્શન જણાવે છે કે ફિલ્મ કેવું ચાલે છે. 'મિશન ઈમ્પોસિબલ 7' એ પહેલા વીકએન્ડ પર ધમાકેદાર કલેક્શન કર્યું હતું. ફિલ્મે ચોથા દિવસે સૌથી વધુ બિઝનેસ કર્યો છે. અહેવાલ મુજબ 'મિશન ઇમ્પોસિબલ 7' એ શનિવારે 16 કરોડનો બિઝનેસ કર્યો છે. વાસ્તવિક આંકડા આનાથી વધુ કે ઓછા હોઈ શકે છે.

ટોમ ક્રૂઝની ફિલ્મે ઓપનિંગ ડે પર બોલિવૂડ ફિલ્મોની હાલત કફોડી કરી દીધી હતી. ફિલ્મે પહેલા દિવસે 12.3 કરોડ, બીજા દિવસે 8.75 કરોડ અને ત્રીજા દિવસે 9.15 કરોડનું કલેક્શન કર્યું હતું. આ ચાર દિવસમાં ફિલ્મે 46.20 કરોડનો બિઝનેસ કર્યો છે. જે ઝડપે આંકડો વધી રહ્યો છે તે જોતા એવું કહેવું ખોટું નહીં હોય કે ફિલ્મ ટૂંક સમયમાં ઘરેલુ બોક્સ ઓફિસ પર 100 કરોડની ક્લબમાં સામેલ થઈ જશે.