બ્રહ્માસ્ત્રનાં સ્ક્રીનિંગ વચ્ચે રણબીર કપૂર અને આલિયા ભટ્ટે ચાહકોને આશ્ચર્યચકિત કર્યા

રણબીર કપૂર અને આલિયા ભટ્ટની ફિલ્મ 'બ્રહ્માસ્ત્ર' આજે સિનેમાઘરોમાં રિલીઝ થઈ છે. ફિલ્મને દર્શકો તરફથી મિશ્ર પ્રતિસાદ મળી રહ્યો છે. 8 સપ્ટેમ્બર, 2022 ના રોજ, આ ફિલ્મની રિલીઝ પહેલા, રણબીર કપૂર અને આલિયા ભટ્ટે મુંબઈમાં તેમના ચાહકો માટે એક સ્પેશિયલ સ્ક્રીનિંગ પણ યોજી હતી. રણબીર કપૂર અને આલિયા ભટ્ટ 'બ્રહ્માસ્ત્ર'ના પ્રમોશનમાં કોઈ કસર છોડી રહ્યા નથી અને ચાહકોને એક પછી એક સરપ્રાઈઝ આપી રહ્યા છે. હાલમાં જ રણબીર કપૂર અને આલિયા ભટ્ટ તેમના ફેન્સને સરપ્રાઈઝ કરવા થિયેટરમાં પહોંચ્યા હતા.

ફેન્સ માટે રાખવામાં આવેલ આ સ્પેશિયલ સ્ક્રીનિંગનો આ વીડિયોમાં રણબીર અને આલિયાએ માત્ર મીડિયાના કેમેરા સામે જ પોઝ આપ્યા નથી, પરંતુ સાથે જ આ કપલે પોતાના ચાહકોને ખુશીથી શુભેચ્છા પણ પાઠવી છે. આ ફેન સ્ક્રીનિંગમાં રણબીર અને આલિયા ઉપરાંત નીતુ સિંહ, મહેશ ભટ્ટ અને આલિયાની બહેન શાહીન પણ જોવા મળી હતી. આ સિવાય શનાયા કપૂર, રોહિત ધવન અને ધર્માના સીઈઓ અપૂર્વ મહેતા પણ પરિવાર સાથે સ્ક્રીનિંગમાં સામેલ થયા હતા.

બ્રહ્માસ્ત્ર 9 સપ્ટેમ્બર 2022ના રોજ સિનેમાઘરોમાં રિલીઝ થઈ છે. જોકે, ફિલ્મને વિવેચકો અને પ્રેક્ષકો તરફથી મિશ્ર પ્રતિસાદ મળ્યો છે. પરંતુ જો 'બ્રહ્માસ્ત્ર'ના એડવાન્સ બુકિંગ પર નજર કરીએ તો આ વર્ષે સિનેમાઘરોમાં રિલીઝ થયેલી તમામ ફિલ્મોમાં 'બ્રહ્માસ્ત્ર'નું એડવાન્સ બુકિંગ સર્વશ્રેષ્ઠ રહ્યું છે. રણબીર કપૂર અને આલિયા ભટ્ટની બ્રહ્માસ્ત્રે એડવાન્સ બુકિંગની કમાણીના મામલામાં કાર્તિક આર્યનની ભૂલ ભુલૈયાને પાછળ છોડી દીધી છે. મળતી માહિતી પ્રમાણે, આ ફિલ્મનું એડવાન્સ બુકિંગ માત્ર 10 કરોડની આસપાસ હતું. ફિલ્મની સ્ટારકાસ્ટની વાત કરીએ તો આ ફિલ્મમાં રણબીર અને આલિયા ઉપરાંત મૌની રોય, અમિતાભ બચ્ચન અને નાગાર્જુન મહત્વની ભૂમિકામાં જોવા મળશે.